रावेरमधील शासकीय कार्यालये ओस‎:संपात सहभागी झाले राज्य सरकारी व निमसरकारी कर्मचारी

जुनी पेन्शन योजना लागू करण्याच्या‎ प्रमुख मागणीसाठी तालुक्यातील‎ विविध कार्यालये व विभागांचे १८००‎ कर्मचारी मंगळवारपासून बेमुदत‎ संपावर गेले आहेत. शासकीय‎ कर्मचाऱ्यांचे प्रलंबित प्रश्न‎ सोडवण्यास सरकार उदासीन‎ असल्यामुळे तालुक्यातील सरकारी‎ रुग्णालय, शाळा, कॉलेजेस,‎ नगरपालिका, तहसील, पंचायत‎ समिती तसेच आरोग्य विभागातील‎ हे कर्मचारी या राज्यव्यापी संपामध्ये‎ सहभागी झाले अाहेत. त्यामुळे‎ विविध शासकीय कार्यालये‎ अक्षरश: अाेस पडलेली दिसली.‎ रावेर तालुक्यात या संपामुळे सर्व‎ शासकीय रुग्णालय शाळा,‎ हायस्कूल, कॉलेजेस, नगरपालिका,‎‎‎‎‎‎‎‎‎ तहसील कार्यालय, वन विभागासह‎ अनेक सरकारी विभागांचे‎ कामकाज जवळपास ठप्प झाले‎ आहे.

जोपर्यंत शासन कर्मचाऱ्यांच्या‎ मागण्या मान्य करत नाही तोपर्यंत‎ सर्व कर्मचारी संप करण्याच्या‎ निर्धारावर ठाम दिसत आहेत.‎ कर्मचारीच नसल्याने कार्यालयांमध्ये‎ शुकशुकाट दिसून आला. सर्व‎ कर्मचारी येथील पंचायत समिती‎ परिसरात संप काळात उपस्थित‎ होते. या ठिकाणी कैलास घोलाणे,‎‎‎‎‎‎‎‎‎ विनायक चौथे, राजेंद्र फेगडे, नीलेश‎ पाटील, रवींद्र बखाल, दिलीप‎ पाटील, हरीश बोंडे, प्रवीण पाटील,‎ दीपक गवई, प्रकाश महाजन,‎ अनिल पाटील, कल्पना पाटील,‎ सिंधू राठोड, विजय पवार, जितेंद्र‎ गवळी, विजय गोसावी, उमेश‎ दांडगे, तालुक्यातील विविध‎ संघटनांचे पदाधिकारी तसेच शेकडो‎ कर्मचारी उपस्थित होते. तालुक्याचे‎ गटशिक्षणाधिकारी शैलेश दखणे‎ यांनी संप स्थळी भेट दिली.‎