यात्रा:पार्श्वनाथ भगवान मंदिराचा‎ कळस, ध्वजाची रथयात्रा‎

बुलडाणा जिल्ह्यातील वासीम‎ तालुक्यातील शिरपूर येथील‎ पार्श्वनाथ मंदिराच्या पावणे सात‎ फूट उंच, तीन फूट रुंद कळस व‎ सात फूट लांब, अडीच फूट रुंद‎ असलेला ध्वज रथयात्रा‎ महाराष्ट्रभर फिरत आहे. हा रथ‎ गुरुवारी दुपारी ३.३० वाजता धुळे,‎ अमळनेर, धरणगाव येथून जळगाव‎ येथील काव्यरत्नावली चाैकातील‎ श्री धर्मनाथ भगवान जैन‎ मंदिराजवळ दाखल झाला आहे.‎

सकारात्मक ऊर्जा उत्पन्न करणाऱ्या‎ कळस व ध्वजाची मंदिरापासून ते‎ शिवरामनगरापर्यंत शोभायात्रा‎ काढण्यात आली हाेती. या वेळी‎ भाविकांनी माेठी गर्दी केली हाेती.‎ सर्वधर्मीयांच्या दर्शनार्थ हा कळस व‎ ध्वज शुक्रवारी टाॅवर चाैकातील श्री‎ वासूपूज्य भगवान जैन मंदिरात‎ ठेवण्यात येणार आहे. त्यानंतर रथ‎ जामनेरकडून बुलडाणा जिल्ह्याकडे‎‎‎‎‎‎‎‎‎‎‎ रवाना हाेणार असल्याची माहिती श्री‎ जैन श्वेतांबर मूर्तीपूजक संघाने‎ दिली.‎ श्री धर्मनाथ भगवान जैन मंदिर‎ परिसरापासून कळस व ध्वज रथ‎ यात्रेच्या मिरवणुकीला सुरुवात‎ झाली. सात फुटांचा कळस एका‎ गाडीत काचेत बंद दालनात ठेवला‎ हाेता. या रथाच्या मागे महिला‎ भाविक सात फुटी ध्वज आपल्या‎ डोक्यावर घेऊन जात हाेत्या. या‎ वेळी ललित लोढया, नयन शाह,‎ दिलीप गांधी, शांतीलाल जैन,‎ सुमतीभाई टाटीया उपस्थित होते.‎