शैक्षणिक:महापालिका दरमहिन्याला आता‎ घेणार शिक्षकांचीच चाचणी परीक्षा‎

गेल्या काही वर्षात महापालिका शाळांचा‎ दर्जा घसरला आहे. या शाळांमध्ये पुन्हा ‎ ‎गुणवत्तापूर्ण शिक्षण विद्यार्थ्यांना‎ मिळण्यासाठी विशेष प्रयत्न करावे लागणार ‎ ‎ आहे. या अनुषंगाने आता शाळेतील‎ विद्यार्थी संख्येसोबतच शिक्षकांची‎ उपस्थिती तपासण्यासाठी ‘सरप्राइज‎ व्हिजिट’ देण्यात येणार आहे. दुसरीकडे ‎ ‎ विद्यार्थ्यांसोबतच शिक्षकांची दर‎ महिन्याला चाचणी परीक्षा घेण्यात येईल. ‎ ‎ त्यातून शिक्षकांना अपडेट केले जाणार ‎ ‎ असल्याच्या सुचना मुख्याध्यापक व‎ शिक्षण मंडळाला आयुक्तांनी दिल्या‎ आहेत. यामुळे आता पुन्हा एकदा‎ महापालिका शाळा गुणवत्तेकडे वळणार‎ असल्याचे सांगण्यात येते आहे.‎ शहरातील नामवंत व्यक्तींचे शिक्षण हे‎ महापालिका शाळेतून झाले आहे. पुर्वी‎ शिक्षण मंडळ अस्तित्त्वात असल्याने या‎ शाळांमध्ये गुणवत्ता वाढीसाठी प्रयत्न केले‎ जात होते.

मात्र, काही वर्षांपासून हे शिक्षण‎ मंडळ अस्तित्वात नसल्याने शिक्षणाचा‎ दर्जा घसरला आहे. या शाळांना विद्यार्थी‎ मिळेनासे झाले आहेत. गरीब व गरजू‎ विद्यार्थ्यांना गुणवत्तापूर्ण शिक्षण‎ मिळण्यासाठी आयुक्तांनी सर्व‎ मुख्याध्यापकांची बैठक घेऊन गुणवत्ता‎ वाढीबाबत कडक सूचना दिल्या आहेत.‎ त्यात शाळा डिजिटल करण्यासाठी‎ शहरातील संस्थांची मदत घ्यावी तर काही‎ ठिकाणी लोकसहभागातून बदल करावे.‎ याकरिता मुख्याध्यापकांनी प्रयत्न करावे.‎ यासोबतच शंभर टक्के उपस्थिती व्हावी‎ म्हणून विद्यार्थ्यांना शिक्षणासोबतच‎ विविध उपक्रमात सहभागी होण्यासाठी‎ प्रोत्साहित करावे. या वेळी शाळांमधील‎ भौतिक सुविधांचा आढावा घेण्यात आला.‎ त्यानुसार सुचनाही देण्यात आल्या आहे.‎

तत्काळ आधार अपडेट‎ विद्यार्थ्यांचे आधारकार्ड अपडेट‎ नसल्याने शासकीय योजनांचा‎ विद्यार्थ्यांना लाभ घेता येत नाही.‎ याकरिता शिक्षकांनी तत्काळ‎ विद्यार्थ्यांचे शंभर टक्के आधारकार्ड‎ अपडेट करण्याबाबत सूचना देण्यात‎ आल्या. तर जिल्हा परिषद शाळांनी‎ ज्याप्रमाणे शाळा डिजिटल करण्याचा‎ पॅटर्न राबवला आहे. तोच पॅटर्न‎ महापालिका शाळांत राबवला जाईल.‎

अशा केल्या सुचना‎ दर महिन्याला माता-पालकांची बैठक,‎ गुणवत्ता वाढीसाठी निपुण चाचणी‎ घ्यावी, शाळांमध्ये महिन्याला प्रगत‎ चाचणी घ्यावी, ग्रंथालयांचा वापर‎ वाढवावा, स्पर्धा परीक्षांचा कार्यक्रम,‎ श्लोक, वाचन, गायनासह कलाप्रकार‎ शिकवावे अशा महत्वाच्या सुचना‎ महानगरपालिकेच्या शाळांचे‎ मुख्याध्यापक व शिक्षण मंडळाला‎ आयुक्तांकडून देण्यात आल्या आहेत.‎