6 ऑक्टोबर 2019 ला झाली होती निर्घृण हत्या‎:खरात हत्याकांडातील‎ आरोपीला जामीन नाहीच‎

आरपीआयचे जिल्हाध्यक्ष व‎ भाजपचे तात्कालिन नगरसेवक‎ रवींद्र बाबूराव खरात, सोनू उर्फ‎ रोहीत रवींद्र खरात, प्रेमसागर रवींद्र‎ खरात, सुनील बाबूराव खरात व‎ सुमित संजय गजरे यांच्या‎ हत्याकांडातील आरोपीचा जामीन‎ अर्ज सोमवारी भुसावळ विशेष सत्र‎ न्यायालयाने फेटाळला.‎ भुसावळ शहरात ६ ऑक्टोबर‎ २०१९ रोजी रात्री ८ ते ९ वाजेदरम्यान‎ रवींद्र खरात यांच्यासह पाच जणांचे‎ सामूहिक हत्याकांड झाले होते.‎ पिस्तुलमधून गोळ्या झाडून व‎ चॉपरने वार करुन त्यांची हत्या झाली‎ होती. संपूर्ण राज्यात हे सामूहिक‎ हत्याकांड गाजले होते.

या‎ गुन्ह्यातील आरोपी गोलू उर्फ‎ अरबाज खान अजगर खान याने‎ भुसावळ येथील विशेष सत्र‎ न्यायालयात जामिनासाठी अर्ज‎ केला होता. त्यावर सुनावणी होऊन‎ सोमवारी (दि.१३) भुसावळ विशेष‎ सत्र न्यायालयाचे विशेष सत्र‎ न्यायाधीश आर.एम.जाधव यांनी‎ आरोपीचा जामीन अर्ज फेटाळला.‎ सरकार पक्षातर्फे सरकारी वकील‎ संजय सोनवणे तर मूळ फिर्यादीतर्फे‎ अॅड. सत्यनारायण पाल यांनी‎ युक्तीवाद केला. या सुनावणीकडे‎ शहराचे लक्ष लागून होते. त्यामुळे‎ बंदोबस्तही वाढवला होता.‎