स्वयंरोजगार:पापड उद्योगातून तीन लाखांचा व्यवसाय‎

तालुक्यातील येवती येथील एकता‎ महिला बचत गटाने गेल्या तीन‎ वर्षांपासून, विविध प्रकारचे पापड‎ तयार करून विक्री करण्याचा‎ उपक्रम सुरू केला आहे. त्यांच्या‎ पापडांना अमेरिकेसह मुंबई,‎ जळगाव, बोदवड, जामनेर, फत्तेपूर,‎ भरूच, मलकापूर, भुसावळ अशा‎ विविध ठिकाणांवरून मागणी होत‎ आहे. या बचत गटाने गेल्या चार‎ महिन्यात पापड विक्रीतून तीन‎ लाखांचा व्यवसाय केला आहे‎ मागणीनुसार पापडांचा पुरवठा‎ केला जातो. महाराष्ट्र राज्य ग्रामीण‎ जीवनोन्नती अभियानाअंतर्गत‎ येवती येथील दहा महिलांनी एकत्र‎ येत एकता महिला बचत गटाची‎ स्थापना केली होती.

सुरुवातीला‎ कमी प्रमाणात केलेला पापड‎ व्यवसाय आता प्रगतीपथावर आला‎ आहे. सुरुवातीला दिवसाला केवळ‎ दोन ते तीन किलो पापडांनी सुरुवात‎ करून, आता एका दिवसाला २० ते‎ ३० किलो पापड तयार करण्याचे‎ काम महिला करत आहेत. त्यासाठी‎ त्यांनी पापडाचे पीठ तयार‎ करण्यासाठी मशीन घेतले आहे.‎ घरच्या घरी पापड व्यवसाय करून‎ एका महिला बचत गटाच्या‎ सदस्यांनी स्वयंरोजगार निर्माण केला‎ आहे. पुताबाई माळी, सीताबाई‎ वाघ, अलका माळी, निर्मला वाघ,‎‎‎‎‎‎‎‎‎‎‎‎‎‎ पंजाबी पठाण, सैदाबी पठाण,‎ जायदाबी पठाण परिश्रम घेत आहेत.‎ इतर महिलांनीदेखील आदर्श घ्यावा.‎ बचत गटाच्या माध्यमातून आर्थिक‎‎‎‎‎‎‎‎‎‎‎‎‎‎ स्वावलंबी व्हावे, असे आवाहन‎ बीडीओ हेमंतकुमार काथेपुरी व‎ तालुका अभियान व्यवस्थापक‎ संदीप मेश्राम यांनी केले आहे.‎

पापडांचे प्रकार असे‎
नागली, पालक, टोमॅटो,‎ जीरा व मका अशा पाच‎ प्रकारच्या चवींचे पापड‎ बचत गटातर्फे तयार केले‎ जातात. पालक, टोमॅटो,‎ जीरा पापड प्रत्येकी १६० रुपये‎ किलो आहेत. तर नागली‎ पापड १८० रुपये किलो व‎ मका पापड १७० रुपये किलो‎ आहेत. चिकाच्या कुरड्या‎ ३०० रुपये किलोने विक्री‎ होतात. विविध आकर्षक रंग‎ व रुचकर चव असल्यामुळे‎ पापडांना मागणी आहे.‎