आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

जळगावात अपघात:दुचाकीला ट्रकची धडक, अभियांत्रिकीचा विद्यार्थी ठार‎ ; जखमी साथीदार खासगी रुग्णालयात उपचार सुरू‎

जळगाव‎24 दिवसांपूर्वी
  • कॉपी लिंक

भरधाव ट्रकने (आयशर) दिलेल्या‎ धडकेत ट्रॅक्टरच्या चाकाखाली‎ आलेल्या दुचाकीस्वार‎ अभियांत्रिकीचा विद्यार्थी जागीच‎ ठार झाला. शुक्रवारी दुपारी २‎ वाजता महामार्गावर खाेटेनगरजवळ‎ हा अपघात घडला. दुचाकीवर‎ असलेला एक तरुण गंभीर जखमी‎ झाला आहे. त्याच्यावर खासगी‎ रुग्णालयात उपचार सुरू आहेत.‎ प्रशांत भागवत तायडे (वय ३०,‎ रा. गहूखेडा, ता. रावेर) असे मृत‎ तरूणाचे नाव आहे. तर जयेश‎ द्वारकानाथ पाटील (वय २३, रा.‎ गहूखेडा, ता. रावेर) हा गंभीर‎ जखमी झाला. त्याला खासगी‎ रुग्णालयात दाखल करण्यात आले.‎ दोघे जण धरणगाव तालुक्यातील ‎ ‎ चिंचपुरा येथील आबासाहेब ‎ ‎ शिवाजीराव सिताराम पाटील ‎ ‎ इन्स्टिट्युट ऑफ पॉलिटेक्नीक येथे ‎ ‎ मेकॅनिकल डिप्लोमाच्या दुसऱ्या‎ वर्षात शिकत आहेत. डिप्लोमाची ‎ ‎ परीक्षा असल्याने शुक्रवारी ६‎ जानेवारी रोजी तिसरा पेपर‎ असल्याने दोघे मित्र सकाळी‎ गहूखेडा येथून दुचाकीने (एमएच‎ १९ सीपी २३५५) जळगावमार्गे‎ चिंचपुरा येथे जाण्यासाठी निघाले. ‎ ‎ दुपारी २ वाजता जळगावातील‎ खोटेनगर जवळील वाटिकाश्रम‎ समोरील राष्ट्रीय महामार्गवर भरधाव‎ ट्रकने (क्र. एमएच १९ सीवाय‎ ८१६७) दुचाकीला पाठीमागून‎ धडक दिली. त्यामुळे दुचाकीवरील‎ दोघेजण रस्त्यावर काेसळले.‎ ‎

‎त्याचवेळी समोरून खडीची‎ वाहतूक करणारे ट्रॅक्टर (क्र. एमएच‎ १९ एएन २४३८) आले. ते प्रशांत‎ तायडेच्या डोक्यावरून गेल्याने ताे‎ जागीच ठार झाला. तर पाठीमागे‎ बसलेला त्याचा मित्र जयेश‎ द्वारकानाथ पाटील हा गंभीर जखमी‎ झाला. जळगाव तालुका पोलिस‎ ठाण्याच्या कर्मचाऱ्यांनी घटनास्थळी‎ जावून मृतदेहाचा पंचनामा केला.‎ त्याच्या पश्चात आई, वडील व‎ दाेन विवाहित बहिणी आहेत.‎

गतिराेधक उभारा अन्यथा‎ आंदाेलनाचा इशारा‎ खाेटेनगरजवळ शुक्रवारी झालेल्या‎ अपघातात अभियांत्रिकीच्या‎ विद्यार्थ्याचा मृत्यू झाला. त्यामुळे‎ महामार्गावर खाेटेनगर व द्वारकानगर‎ येथे गतीराेधक उभारण्याची मागणी‎ राष्ट्रवादीचे प्रदेश प्रवक्ता याेगेश‎ देसले यांनी केली. राष्ट्रीय महामार्ग‎ प्राधिकरण व सार्वजनिक बांधकाम‎ विभागाने संयुक्तरित्या‎ अंमलबजावणी करावी अन्यथा‎ महामार्गावर चक्काजाम आंदाेलन‎ करण्याचा इशारा दिला आहे. या‎ संदर्भात न्हाईचे प्रकल्प संचालक‎ चंद्रकांत सिन्हा यांनी रस्ता सुरक्षा‎ समितीकडे प्रस्ताव सादर करण्याचे‎ आश्वासन दिले.‎

बातम्या आणखी आहेत...