स्वच्छतेची परीक्षा:स्वच्छतेचे धडे देणाऱ्या शासकीय‎ कार्यालय परिसरात अस्वच्छता‎

शासकीय अधिकारी, कर्मचारी‎ स्वच्छतेबाबत जनतेला धडे देतात.‎ मात्र, भुसावळ शहरातील‎ शासकीय कार्यालयांमध्ये ‘लोका‎ सांगे ब्रह्मज्ञान, स्वत: मात्र कोरडे‎ पाषाण’ अशी स्थिती आहे. कारण,‎ स्वच्छ सर्वेक्षण अभियानात केंद्राचे‎ पथक लवकरच शहरात येणार‎ आहे. त्यांच्याकडून शहर‎ स्वच्छतेची परीक्षा घेण्यात येईल.‎ या पार्श्वभूमीवर शासकीय‎ कार्यालयांमध्येच अस्वच्छतेने‎ कहर केला आहे.

‘दिव्य मराठी’ने‎ प्रांताधिकारी, तहसील, पंचायत‎ समिती, पालिका, भूमीअभिलेख‎ कार्यालयात पाहणी केल्यावर हे‎ चित्र समोर आले. दरम्यान, प्रांत‎ कार्यालयात दुसऱ्या मजल्यावर‎ जाणाऱ्या जिन्यावर सर्वत्र जाळे पसरले‎ हाेते. प्रशासकीय इमारतीच्या आवारात‎ अस्वच्छता हाेती. मोकाट कुत्र्यांचा तेथे‎ मुक्तसंचार दिसला. मुख्य‎ कार्यालयाच्याबाजूकडील परिसर‎ चकाचक तर इतरत्र अस्वच्छता दिसत‎ हाेती. स्वच्छ सर्वेक्षण होण्यापूर्वी बदल‎ अपेक्षित आहे.

सामूहिक जबाबदारी, सर्वांनी पुढे यावे
‎शहरातील प्रत्येक शासकीय, निमशासकीय‎ कार्यालयांमध्ये स्वच्छता ठेवण्यासाठी त्या-त्या‎ विभागातील कर्मचाऱ्यांनी पुढाकार घ्यावा. शहर‎ असो वा कार्यालय तेथे स्वच्छता राखणे ही‎ सामूहिक जबाबदारी आहे. पालिकेच्या पातळीवर‎ योग्य खबरदारी घेण्यात येईल.‎ -संदीप चिद्रवार, मुख्याधिकारी, भुसावळ‎

पंचायत समितीत‎ कचऱ्याचे ढीग पडून‎
पंचायत समितीत‎ बीडीओंच्या दालनाच्या बाहेर‎ फरशा तुटल्या आहे.मिटींग‎ हॉलकडील मार्गावर‎ अस्वच्छता हाेती. याच‎ आवारात तीन ठिकाणी‎ झाडांच्या खाली पडलेल्या‎ पानांना गोळा करून ठेवले‎ होते. मुख्य प्रवेशद्वारातून‎ आत गेल्यावर उजव्या‎ हाताला अस्वच्छता हाेती.‎ संपूर्ण तालुक्याला स्वच्छतेचे‎ आवाहन करणाऱ्या‎ पं.स.मध्येच स्वच्छता‎ अभियानाची गरज समोर‎ आली.‎