खरेदी ठरेल लाभदायक:नोव्हेंबर-डिसेंबरमध्ये ग्रह-नक्षत्रांचे 36 शुभ योग; घरासह स्थावर मालमत्ता खरेदी ठरेल लाभदायक

ऑक्टोबरनंतर नोव्हेंबर आणि डिसेंबर महिन्यातही शुभ खरेदीचे योग आहेत. पहिला मुहूर्त १५ नोव्हेंबरला आहे, तेव्हा मंगळ पुष्याचा विशेष संयोग असेल. जमीन, घर, दुकान यांसारखी स्थावर मालमत्ता खरेदी करणे फायदेशीर ठरेल.

नोव्हेंबर आणि डिसेंबर या दोन्ही महिन्यांत असे ३६ शुभ मुहूर्त आहेत. त्यापैकी १४ नक्षत्रांवर आधारित आणि २२ योगांवर आधारित आहेत. ज्योतिषांच्या मते, स्थावर मालमत्ता आनंददायी असते. त्यामुळे विशेष ग्रह-योगात त्यांची खरेदी शुभ असते. मंगळ हा भूमिपुत्र मानला जातो, असे राष्ट्रीय ज्योतिष परिषदेचे अध्यक्ष डॉ. चंद्रशेखर शास्त्री सांगतात. पुष्य नक्षत्र खरेदीसाठी शुभ. मंगळाचा पुष्याशी संयोग जमीन, घर, दुकान खरेदीसाठी उत्तम आहे. ज्योतिषाचार्य पं.मनीष शर्मा यांच्यानुसार विशेष योगात मालमत्ता खरेदी शुभ असते.

योगावर आधारित
{नोव्हेंबर: १४-सर्वार्थ सिद्धी, सोम पुष्य,
१५- मंगळ पुष्य, २०, २३-अमृतसिद्धी, २४, २७, २८-सर्वार्थ सिद्धी, २०, २९-द्विपुष्कर।
{डिसेंबर : ४, ६, ७, १३, २५, २६-सर्वार्थ सिद्धी, ११-रवि पुष्य, १२-सोम पुष्य, २१ व ३०-अमृतसिद्धी, २०, २४, २५-त्रिपुष्कर।
(मुहूर्त ज्योतिषांनुसार)

नक्षत्रावर आधारित
{नोव्हेंबर : १७-मृगशीर्ष, पूर्वा फाल्गुनी, १८-पूर्वा फाल्गुनी, २४-अनुराधा, २५-मूळ। {डिसेंबर : १-पूर्वा भाद्रपदा, २-रेवती, ८ आणि ९-मृगशीर्ष, १५-पूर्वा फाल्गुनी, १६-उत्तरा आणि पूर्वा फाल्गुनी, २२-मूळ, २३-मूळ आणि पूर्वा फाल्गुनी, २९-पूर्वा फाल्गुनी, ३०-रेवती।

वापराच्या आधारावर खरेदी... पंचांगकर्ते पं. चंदन व्यास यांच्या मते शास्त्रानुसार गुरुवार-शुक्रवारी खरेदी केलेली मालमत्ता लाभदायक असते. लग्नाचे तीन प्रकार आहेत - चर, स्थिर व द्विस्वभाव. आपल्याला तिथे राहायचे असेल तर स्थिर लग्न म्हणजे वृषभ, सिंह, वृश्चिक व कुंभ लग्न असताना खरेदी करावी. कारखाना किंवा व्यवसायासाठी चर म्हणजे मेष, कर्क, तूळ व मकर लग्नामध्ये खरेदी करावी. वरीलप्रमाणे लग्न असताना मालमत्ता खरेदी केल्याने व्यवसायात वृद्धी होते.