आदेश:गांधलीपुरा भागातील प्रतिबंधित‎ क्षेत्रातील 5 सीसीटीव्ही कॅमेरे चोरी‎

देहविक्री व्यवसायावर नियंत्रण मिळवण्यासाठी‎ उच्च न्यायालयाच्या आदेशाने लावलेले गांधलीपुरा‎ भागातील ७५ हजार रुपये किमतीचे ५ सीसीटीव्ही‎ कॅमेरे चोरून नेल्याची घटना ८ राेजी रात्री घडली.‎ अमळनेर नगरपालिकेने उच्च न्यायालयाच्या‎ आदेशाने गांधलीपुरा भागात देहविक्री व्यवसायावर‎ लक्ष ठेवण्यासाठी सीसीटीव्ही कॅमेरे व फायबर‎ ऑप्टिक केबल बसवली आहे.

या परिसरात एकुण‎ २४ कॅमेरे लावण्यात आले असून त्याचे नियंत्रण‎ गांधलीपुरा चौकीत आहे. डिव्हीआर देखील‎ गांधलीपुरा चौकीत ठेवण्यात आला आहे. अज्ञात‎ चोरट्यांनी ८ रोजी रात्री हे ५ सीसीटीव्ही कॅमेरे व‎ ऑप्टिकल फायबर केबल असा ७५ हजार रुपयांचा‎ ऐवज चोरून नेला आहे. याप्रकरणी विद्युत विभागाचे‎ आबीद शेख मोहम्मद शफी यांच्या फिर्यादीवरून‎ अमळनेर पोलिसांत गुन्हा दाखल झाला आहे.‎