अपघात:शहापूरला उभ्या ट्रॅक्टरला‎ ट्रकची धडक; दोन जखमी‎

जामनेर ते फत्तेपूर रस्त्यावरील वळणे‎ अपघातास कारणीभूत ठरत आहेत.‎ बुधवारी रात्री शहापूरजवळ उभ्या‎ असलेल्या ट्रॅक्टरला आयशरने जबर‎ धडक दिली. या अपघातात ट्रॅक्टरवरील‎ चालकासह एक जण गंभीर जखमी‎ झाल्याची घटना घडली.‎ शहापूर गावाबाहेर तळेगाव कडे‎ जाणाऱ्या कॉर्नरजवळ उकिरडा‎ भरण्यासाठी बुधवारी रात्री ११.३०‎ वाजेदरम्यान रस्त्याच्या कडेला ट्रॅक्टर‎ लावला होता. त्याचवेळी फत्तेपूर कडून‎‎‎‎‎‎‎‎‎‎‎‎ भरधाव वेगाने आलेला आयशर ट्रक‎ (एमएच- ४६, इ २१७१) चालकाला‎ नियंत्रित करता आला नाही.

हा ट्रक थेट रस्त्याच्या कडेला शेणखत भरण्यासाठी उभ्या‎ असलेल्या ट्रॅक्टरला जाऊन धडकला. या अपघातात ट्रॅक्टर चालक राहुल‎ रघुनाथ धनगर व खत भरण्यासाठी आलेला महादू भिकारी भोई हे दोघे‎ जण जखमी झाले आहेत. या दोघा जखमींना तातडीने जळगाव येथे‎ उपचारासाठी हलवण्यात आले.‎

फत्तेपूर रस्ता धोकादायक ...‎
जामनेर ते फत्तेपूर रस्ता चांगला‎ असल्याने वाहने सुसाट चालवणाऱ्या‎ चालकांचे वळणावर वाहनावरील‎ नियंत्रण सुटते. त्यामुळे काही दिवसात‎ जामनेर ते फत्तेपूर रस्त्यावर अपघातांची‎ संख्या वाढली आहे. रस्त्यावरील‎ वळणे कमी करावीत, अशी मागणी‎ वाहनचालकांकडून होत आहे.‎