आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

समारोप‎:आचार माळीका प्रवचन सोहळ्याचा मिरवणुकीने समारोप‎

शेंदुर्णी‎24 दिवसांपूर्वी
  • कॉपी लिंक

श्री चक्रधर स्वामींच्या पावन स्पर्शाने‎ पुनीत झालेल्या शेंदुर्णीत, महानुभाव‎ पंथाचा आचार माळिका प्रवचन‎ सोहळा महिनाभरापासून सुरू होता.‎ डोळ्याचे पाळणे फेडणाऱ्या‎ मिरवणुकीने गुरुवारी या सोहळ्याची‎ सांगता झाली. मिरवणुकीत‎ देशभरातून आलेल्या ५० हजार‎ भाविकांनी सहभाग नोंदवल्याचा‎ दावा आयोजकांनी केला.‎ महिनाभरापासून पहूर रोडवर‎ आचार माळीका प्रवचन सोहळा‎ मोठ्या थाटामाटात सुरू होता. पाच‎ हजार संत, महंत, तपस्विनी,‎ उपदेशी तेथे मुक्कामी होते. गुरुवारी‎ प्रवचन सोहळ्याची सांगता‎ मिरवणुकीने झाली.

मिरवणुकीत‎ अश्वधारी पाच बग्यांवरून‎ महानुभव पंथाच्या पाच महंतांची‎ मिरवणूक काढण्यात आली. त्यापुढे‎ घोडे, पालखी, रथ, महिलांचे ढोल‎ पथक, भजनी पथके, परिसर रम्य‎ करणारे सनई चौघडा पथक होते.‎ मिरवणुकीच्या मार्गावर रांगोळ्या‎ काढल्या होत्या. दोन्ही बाजूने झेंडे,‎ केळीची खांब लावलेले असल्याने‎ वातावरण भक्तीमय झाले होते.‎ शोभायात्रेत अखिल भारतीय‎ पंचकृष्ण प्रबोधन मंडळाचे अध्यक्ष,‎ आचार माळीका प्रवचन सोहळ्याचे‎ प्रवाचक आचार्य लोणारकर बाबा‎ महानुभाव यांचे नागरिकांनी‎ आशीर्वाद घेतले. देशभरातून‎ हजारोंच्या संख्येने असलेले साधू,‎ संत, महंत, तपस्विनींच्या‎ सहभागाचा हा सोहळा‎ शेंदुर्णीकरांनी अनुभवला.‎

पाच लाख भाविकांची उपस्थिती :‎ गेल्या महिनाभरापासून सुरू असलेल्या‎ प्रवचन सोहळ्याला पाच लाखांपेक्षा‎ अधिक भाविकांनी उपस्थिती दिली.‎ दररोज दहा हजार भाविकांना‎ महाप्रसादाचा लाभ मिळाला. कार्यक्रम‎ यशस्वी करण्यासाठी झटणाऱ्या हजारो‎ स्वयंसेवकांचे यावेळी आभार.‎ कार्यक्रमाचा उद्देश नवीन पिढीला‎ सत्संगात जोडून चांगले संस्कार व्हावे‎ हा होता, असे श्री दत्त मंदिर संस्थान‎ शेंदुर्णीचे अध्यक्ष व कार्यक्रमाचे‎ आयोजक गोविंद अग्रवाल यांनी‎ सांगितले.‎

बातम्या आणखी आहेत...