वीजचोरांचे मीटर केले जप्त:70 वीजचोरांवर आडगावात कारवाई,‎ महावितरणने राबवली धडक मोहीम‎

महावितरणच्या कासोदा‎ कक्षाअंतर्गत आडगाव येथे‎ महावितरणच्या एरंडोल‎ उपविभागाने, गुरुवारी ७०‎ वीजचोरांवर धडक कारवाई केली.‎ संबंधितांच्या मीटरची तपासणी‎ केल्यानंतर दंडात्मक कारवाई केली‎ जाणार आहे.‎ आडगावात रोहित्र जळणे,‎ वारंवार वीजपुरवठा खंडित होणे‎ असे प्रकार वाढले होते. त्यामुळे‎ कासोदा उपकेंद्रावर ग्राहकांच्या‎ वारंवार तक्रारी येत होत्या. तसेच‎ सदर फिडरच्या वीजगळतीमध्येही‎ वाढ झाली होती.

त्यामुळे एरंडोल‎‎‎‎‎‎‎‎‎‎ उपविभागाचे उपकार्यकारी अभियंता‎ प्रशांत इंगळे यांच्या नेतृत्वाखाली‎ सर्व अभियंते व कर्मचाऱ्यांनी तीन‎ पथकांद्वारे आडगावात तपासणी‎ केली. गावातील एकूण २१५ घरगुती‎ आणि वाणिज्य ग्राहकांची‎ वीजजोडणी तपासली. मीटरमध्ये‎ छेडछाड, अनधिकृत वीजपुरवठा,‎‎‎‎‎‎‎‎‎‎ घरगुती जोडणी असताना‎ व्यवसायिक वापर असे प्रकार‎ आढळले. कासोदा कक्षाचे‎ सहाय्यक अभियंता राहुल पाटील,‎ एरंडोल शहर कक्षाचे सहाय्यक‎ अभियंता पी.एस.महाजन,‎ जयदिपसिंग पाटील, मनोहर पाटील,‎ आदींनी सहभाग नोंदवला.‎