महिलांनी सांभाळले पोलिस ठाणे‎:पारोळ्यात महिला दिनानिमित्त उपक्रम, पोलिसांनी केला सत्कार

जागतिक महिला दिनानिमित्त‎ पारोळा पोलिस स्टेशनचे निरीक्षक‎ रामदास वाकोडे यांनी, महिला‎ दक्षता समिती सदस्या व महिला‎ पोलिस पाटलांकडे एक‎ दिवसासाठी पोलिस ठाण्याचा‎ पदभार सोपवला.‎ पोलिस ठाण्यात महिलांचा‎ पुष्पगुच्छ देऊन सत्कार करण्यात‎ आला. पोलिस निरीक्षक म्हणून‎ अॅड.कृतिका आफ्रे, ठाणे‎ अंमलदार नलिनी पाटील,‎ सहाययक ठाणे अंमलदार सुनंदा‎ शेंडे, ज्योती पाटील, उषा पाटील,‎ वायरलेस ड्युटी वैशाली पाटील,‎ कारकून ललित पाटील, क्राईम‎ माया सरदार, सीमा पाटील,‎ बारनीशी रुपाली पाटील, ज्योत्स्ना‎ पाटील, पासपोर्ट शीतल पाटील,‎ गायत्री पाटील, तामसवाडी बिट‎ शोभा पाटील, शीतल पाटील‎ बहादरपूर बिट जयश्री साळी,‎ टाऊन बिट कल्पना पाटील,‎ राजवड बिट सुरेखा पाटील, डीबी‎ पथक अन्नपूर्णा पाटील, पूजा‎ पाटील, पूनम पाटील, सरोज‎ परदेशी यांनी कामकाज सांभाळले.‎ पोलीस निरीक्षक रामदास वाकोडे,‎ राजू जाधव, शेखर डोमाले,‎ इकबाल शेख, पोलिस नाईक‎ गजरे, कॉन्स्टेबल मोहसीन, पगारे‎ यांनी सहकार्य केले.‎

घरगुती वाद मिटवला‎ पोलिस कर्मचाऱ्यांनी महिलांना कामकाजाबाबत मार्गदर्शन केले. यादरम्यान‎ बारीवीची परीक्षा सुरू असल्याने एनईएस हायस्कूलच्या बाहेर महिलांनी‎ बंदोबस्तही सांभाळला. घरगुती वादाची दोन प्रकरणे महिलांनी हाताळली.‎ दोन्ही प्रकरणात पोलिस निरीक्षक वाकोडे यांच्या मार्गदर्शनाखाली वाद‎ मिटवण्यात यश आले. पोलिसांचे कामकाज हाताळणे वेगळा अनुभव‎ असल्याची प्रतिक्रिया महिलांनी व्यक्त केली.‎