जाहीर निषेध:जामनेरला भाजपतर्फे अजित‎ पवारांचा निषेध, पुतळा जाळला‎

राज्याचे माजी उपमुख्यमंत्री अजित‎ पवार यांनी छत्रपती संभाजी‎ महाराजांबद्दल, केलेल्या‎ अनुद्गाराचा तालुका भाजपतर्फे‎ मंगळवारी जाहीर निषेध करण्यात‎ आला. पवार यांच्या प्रतिकात्मक‎ पुतळ्याला जोडे मारून पुतळ्याचे‎ दहन केले.‎ मंगळवारी सकाळी अकराच्या‎ सुमारास अजित पवारांच्या विरोधात‎ घोषणाबाजी करत, भाजपचे‎ कार्यकर्ते येथील राजमाता जिजाऊ‎ चौकामधे पोहोचले. यावेळी‎ भाजपचे तालुकाध्यक्ष चंद्रकांत‎ बाविस्कर यांनी विचार मांडले.‎ आंदोलनप्रसंगी जिल्हा परिषदेचे‎ माजी अध्यक्ष दिलीप खोडपे,‎ उपनगराध्यक्ष महेंद्र बाविस्कर,‎ गटनेते डॉ.प्रशांत भोंडे, अनीस‎ केलेवाले, शहराध्यक्ष तथा‎ नगरसेवक आतिष झाल्टे,‎ डॉ.संजीव पाटील, रवींद्र झाल्टे,‎ मनोज जंजाळ, बाबुराव हिवराळे,‎ दीपक तायडे, जालमसिंग राजपूत,‎ दीपक माळी, भिका जाधव, कैलास‎ पालवे, देवानंद नाईक हजर होते.