लोकार्पण‎ सोहळा:अमळनेर पालिकेला‎ प्राप्त झाले दोन स्वर्गरथ‎

येथील पालिकेला आमदार निधीतून‎ दोन शववाहिन्या उपलब्ध झाल्या‎ आहेत. सोमवारी दोन्ही वाहनांचे‎ लोकार्पण झाले.‎ सोमवारी सकाळी १० वाजता‎ नगरपालिका कार्यालयात आमदार‎ अनिल पाटील यांच्याहस्ते लोकार्पण‎ सोहळा पार पडला. आमदारांनी‎ दोन्ही वाहनांच्या चाव्या‎ मुख्याधिकाऱ्यांकडे सोपवल्या.‎ शहराची लोकसंख्या पाहता एकच‎ स्वर्गरथाची सुविधी तोकडी ठरत‎ होती.

यामुळे एकाच दिवसात अनेक‎ अंत्यविधींची गरज भासल्यास‎ अडचणी येत होत्या. त्यामुळे दुखद‎ प्रसंगात मृताच्या नातेवाईकांना‎ ताटकळत बसावे लागत होते. म्हणून‎ आमदार अनिल पाटील यांनी दोन‎ शववाहिन्या उपलब्ध करुन दिल्या.‎ या वाहनांच्या लोकार्पणाला माजी‎ जि.प सदस्या जयश्री पाटील,‎ तिलोत्तमा पाटील, तालुकाध्यक्ष‎ सचिन पाटील, शहराध्यक्ष मुख्तार‎ खाटीक, शिवसेना तालुकाप्रमुख‎ श्रीकांत पाटील, शहरप्रमुख सुरज‎ परदेशी, कार्याध्यक्ष विनोद कदम,‎ प्रा.अशोक पवार आदी मान्यवर‎ यावेळी उपस्थित होते.‎