मार्गदर्शन:चोपडा येथे पुष्परचना‎ स्पर्धेने वेधले लक्ष‎

येथील महात्मा गांधी शिक्षण मंडळ‎ संचालित कला, शास्त्र व वाणिज्य‎ महाविद्यालयातील वनस्पतीशास्त्र‎ विभागातर्फे पुष्परचना प्रदर्शन‎ स्पर्धेचे आयोजन करण्यात आले‎ होते.‎ या स्पर्धेचे उद‌्घाटन प्राचार्य डॉ.‎ डी. ए. सूर्यवंशी यांच्या हस्ते‎ करण्यात आले. याप्रसंगी उपप्राचार्य‎ प्रा.डॉ. ए. एल. चौधरी, प्रा.डॉ. आर.‎ एम. बागुल, प्रा.डॉ. पी. एन. सौदागर‎ व डॉ. जे. जी. पाटील उपस्थित होते.‎ प्रास्ताविक डॉ. पी. एन. सौदागर‎ यांनी केले. या प्रसंगी प्राचार्य डॉ.‎ सूर्यवंशी व उपप्राचार्य प्रा.डॉ. चौधरी‎ यांनी पुष्प रचनेबाबत विद्यार्थ्यांना‎ मार्गदर्शन केले.

विभाग प्रमुख डॉ.‎ बागुल यांनी पुष्परचना या‎ संकल्पनेतून विद्यार्थ्यांमध्ये‎ वैयक्तिक व्यवसाय दृष्टीकोन तयार‎ व्हावा व विद्यार्थी पदवी घेवून बाहेर‎ पडल्यावर आर्थिकदृष्ट्या‎ स्वावलंबी होण्यासाठी असे‎ कौशल्य विकासपर उपक्रम राबवणे‎ गरजेचे आहे, असे सांगितले. या‎ स्पर्धेत एकूण ३७ विद्यार्थ्यांनी‎ सहभाग नोंदवला होता.

पुष्परचना‎ प्रदर्शनात विद्यार्थ्यानी टाकाऊ आणि‎ टिकाऊ वस्तूंचा वापर करून मोगरा,‎ झेंडू, शेवंती, गुलाब, जास्वंद,‎ जरबेरा, चांदणी, विद्या, मका,‎ जुनिपेरस, जास्वंद या फुले व पाने‎ तसेच बांबू व परिसरातील उपलब्ध‎ वनस्पतींचा वापर करून बनवलेले‎ आकर्षक पुष्पगुच्छ आणि त्याचे‎ विविध प्रकार प्रदर्शनात ठेवले होते.‎ परीक्षक म्हणून डॉ. एच. जी.‎ सदाफुले व डॉ. जे. जी. पाटील यांनी‎ काम पाहिले. सूत्रसंचालन डॉ. पी.‎ एन. सौदागर यांनी तर डॉ. जे. जी.‎ पाटील यांनी आभार मानले. या‎ कार्यक्रमास आर. व्ही. पाटील यांनी‎ सहकार्य केले. या वेळी विद्यार्थ्यांची‎ माेठी उपस्थिती हाेती.‎