बेसबाॅल स्पर्धा:चाळीसगाव मुलांच्या संघाला राैप्य‎ पदक; मुलींच्या संघास अजिंक्यपद‎

महाराष्ट्र राज्य सब ज्युनियर‎ बेसबॉल अजिंक्य पद स्पर्धा‎ अमरावती येथे ३१ जानेवारी ते २‎ फेब्रुवारी या कालावधीत आयोजित‎ करण्यात आली हाेती. त्यात‎ चाळीसगाव मुले व मुली यांचे संघ‎ सहभागी झाले होते. मुलांचा संघ‎ उपविजेता ठरला तर मुलींच्या‎ संघाने अजिंक्यपद प्राप्त केले.‎ स्पर्धेत मुलांच्या संघात‎ चाळीसगाव येथील राष्ट्रीय‎ विद्यालयाचे ११ खेळाडू सेंट जोसेफ‎ हायस्कूलचे ३ तर मेहुणबारे येथील‎ गिरणा प्रसारक मंडळ विद्यालयाचे ३‎ खेळाडू होते. तसेच मुलींच्या संघात‎ गिरणा विद्यालयाच्या मुलींचा‎ समावेश होता.

या स्पर्धेवेळी‎ मुलांच्या संघाने वाशीम, सांगली,‎ सातारा, कोल्हापूर या संघांना‎ हरवले. मात्र अंतिम सामन्यात पुणे‎ संघाबरोबर फक्त एक होम रनने‎ पराभव पत्करावा लागला. त्यामुळे‎ चाळीसगाव संघ उपविजयी ठरून‎ त्यास राैप्य पदकावर समाधान‎ मानावे लागले. तर मुलींच्या संघाने‎ नासिक, अमरावती, भंडारा,‎ कोल्हापूर या संघांवर विजय‎ मिळवत थेट अजिंक्य पद प्राप्त‎ केले. या दाेन्ही संघांना क्रीडा‎ शिक्षक अजय देशमुख, प्रदीप‎ साखरे, नीलेश गाढवे, योगेश‎ साळुंखे, योगेश शिंदे, भागवत‎ पाटील, निशांत राजपूत, साईजीत‎ खरात याचे मार्गदर्शन लाभले.‎ यशाबद्दल दोन्ही संघाचे येथील सर्व‎ क्रीडा शिक्षकांनी काैतुक केले.‎ तालुका क्रीडा अधिकारी जगदीश‎ चौधरी यांनी विद्यार्थ्यांना पुढील‎ स्पर्धेसाठी शुभेच्छा दिल्या. दरम्यान‎ विजयामुळे संघांमध्ये उत्साह अाहे.‎