नुकसान:शेतकऱ्यांचे नुकसान, माथेफिरूंवर‎ कारवाईसाठी प्रशासनाला साकडे‎

चिनावल‎ गेल्या ३१ डिसेंबरला वडगाव‎ (ता.रावेर) शिवारातील तीन‎ शेतकऱ्यांची साडेचार हजार केळी‎ खोड समाजकंटकांनी कापून फेकले‎ होते. या प्रकरणाची चौकशी व‎ दोषींवर कारवाई व्हावी यासाठी सर्व‎ शक्ती सेनेने फैजपूरचे प्रांताधिकारी‎ व डीवायएसपींना निवेदन दिले.‎ वडगाव शिवारातील चिनावल‎ येथील पंकज नारखेडे, वडगाव‎ येथील डॉ. मनोहर पाटील व दगडू‎ पाटील यांच्या शेतातील साडेचार‎ हजार केळीचे खोड अज्ञात‎ व्यक्तींनी कापून फेकले.

यात‎ शेतकऱ्यांचे १० लाखांपेक्षा जास्तीचे‎ नुकसान झाले. यापूर्वी देखील गेल्या‎ वर्षी फेब्रुवारी महिन्यात चिनावल‎ परिसरात शेतातील उभी केळी‎ कापून फेकणे, शेती साहित्य चोरीचे‎ सत्र सुरू होते. तेव्हा देखील‎ शेतकऱ्यांच्या संतापाचा उद्रेक‎ होऊन ते रस्त्यावर उतरले होते.‎ आता पुन्हा हे प्रकार झाल्याने‎ शेतकरी चिंताग्रस्त झाले आहेत.‎ त्यामुळे शेतकऱ्यांचे नुकसान‎ करणाऱ्यांवर कारवाई आणि रात्रीची‎ गस्त वाढवावी, अशी मागणी‎ प्रांताधिकारी कैलास कडलग व‎ डीवायएसपी डॉ.कुणाल सोनवणे‎ यांच्याकडे करण्यात आली. शक्ती‎ सेनेचे राज्याध्यक्ष तथा भाजपचे‎ अनुसूचित जाती मोर्चाचे राज्य‎ सचिव प्रा. संजय मोरे, सर्व शक्ती‎ सेनेचे राज्य उपाध्यक्ष प्रल्हाद बोंडे,‎ गजानन काडेले, युवक जिल्हाध्यक्ष‎ मयूर कोळी, विष्णू मोरे, विजय‎ तायडे, राजेंद्र पाटील, धनराज‎ कोळी, राजेंद्र सपकाळे, उमेश‎ तायडे, सचिन सुरवाडे आदींची‎ उपस्थिती होती.‎