दरोड्याचा प्रयत्न:कजगावात दिवसा दरोड्याचा प्रयत्न‎

भडगाव तालुक्यातील कजगाव‎ येथील सोनार गल्लीत शनिवारी‎ दुपारी दाेन दराेडेखाेरांचा एका‎ दुकानातून साेन्या-चांदीचा एेवज‎ लांबवण्याचा प्रयत्न फसला.‎ दुकानदाराने आरडाआेरड करताच‎ बाजूच्या नागरिकांनी घटनास्थळी‎ धाव घेत दरोडेखोरांना पकडण्याचा‎ प्रयत्न केला. पण, दाेन दराेडेखाेरांनी‎ ४ पिस्तुलच्या सहाय्याने सर्वांना‎ वेठीस ठेवत पाेबारा केला.‎ कजगाव येथे मुख्य‎ बाजारपेठेतील सोनार गल्लीत‎ बालाजी ज्वेलर्स या दुकानावर‎ शनिवारी दुपारी ४ वाजता अज्ञात‎ दाेन व्यक्ती कार(स्विफ्ट)ने‎ साेन्याच्या वस्तू तयार करण्याच्या‎ बहाण्याने आत आले. या वेळी‎ बालाजी ज्वेलर्सचे संचालक उमेश‎ विनाेद बाेरा हे एकटेच दुकान हाेते.‎ दुकानात उमेश बाेरा हे एकटेच‎ असल्याचे पाहुन त्या दाेघा‎ दराेडेखाेरांनी आपल्या जवळील‎ पिस्तुल बाहेर काढून बाेरा‎ यांच्याकडून दुकानातील एेवज‎ हिसकावण्याचा प्रयत्न केला.

परंतु,‎ घटनेचे गांभीर्य आेळखून दुकानदार‎ बाेरा यांनी लागलीच आरडाआेरड‎ केली. बाेरा यांची आरडाआेरड‎ पाहून परिसरातील नागरिक‎ घटनास्थळी धावले. परंतु, दाेन्ही‎ दराेडेखाेरांनी चार पिस्तुल हातात‎ घेवून नागरिकांना वेठीस धरले.‎ त्यानंतर या दाेघांनी पिस्तुलचा धाक‎ दाखवून कारमध्ये बसल्यानंतर‎ पाेबारा केला. याच वेळी पाेलिस ही‎ घटनास्थळी दाखल झाले. त्यांनी ही‎ त्या दराेडेखाेरांचा पाठलाग करुन‎‎‎‎‎‎‎‎‎‎ त्यांना पकडण्याचा प्रयत्न केला.‎ परंतु, हे दराेडेखाेर नागद रस्त्याने‎ पसार झाले. ही माहिती पाेलिस‎ नाईक नरेंद्र विसपुते यांनी नगरदेवळा‎ पाेलिसांना कळवली. तसेच त्यांनी‎ स्वत: दराेडेखाेरांचा पाठलाग सुरूच‎ ठेवला. परंतु, साेयगाव तालुक्यातील‎ निमखेडी शिवारात दराेडेखाेरांनी‎ कार साेडून पाेबारा केला. ही कार‎ चाेरीची हाेती. तर दराेडेखाेर हे २५ ते‎ ३० वयाेगटातील हाेते.‎

यांनी केला पाठलाग‎
दराेडेखाेरांना पकडण्यासाठी‎ पाेलिसांना कजगावसह नेरी व‎ परिसरातील ग्रामस्थांनी सहकार्य‎ केले. या घटनेची माहिती मिळताच‎ पाेलिस उपअधीक्षक चाेपडे,‎ भडगाव पाेलिस ठाण्याचे पाेलिस‎ निरीक्षक राजेंद्र पाटील, हवालदार‎ विलास पाटील, सचिन वाबळे,‎ पाेलिस नाईक नरेंद्र विसपुते,‎ स्थानिक गुन्हे शाखेचे पाेलिस‎ निरीक्षक किसनराव नजन पाटील,‎ पाेलिस उपनिरीक्षक चाैबे, लक्ष्मण‎ पाटील, नगरदेवळा येथील सहाय्यक‎ फाैजदार कैलास पाटील, हवालदार‎ विनाेद पाटील, नरेंद्र शिंदे, स्वप्नील‎ पाटील तसेच होमगार्ड व‎ कजगावच्या पाेलिस पाटलांनी‎ परिसर पिंजून काढला. परंतु,‎ ताे-पर्यंत दराेडेखाेर पसार झाले हाेते.‎