उत्सव:बामोशी बाबांच्या उरुसात विदेशातूनही‎ भाविक लावणार हजेरी, जय्यत तयारी‎

येथील पिर मुसा कादरी ऊर्फ बामोशी‎ बाबांचा उरूस दाेन िदवसांवर अाला‎ आहे. उरूसाच्या काळात राज्यासह‎ देश-विदेशातून लाखो भाविक दरवर्षी‎ दर्शनासाठी येतात. त्यामुळे पोलिस,‎ नगरपरिषद प्रशासन तसेच दर्गा कमेटी‎ ट्रस्टतर्फे जय्यत तयारी करण्यात आली‎ आहे. उरूस काळात येणाऱ्या‎ भाविकांना कुठलीही असुविधा होऊ‎ नये म्हणून विशेष खबरदार घेतली जात‎ आहे.

रविवार (दि.५)पासून उरूसाला‎ सुरुवात होणार असून, ६ रोजी संदल व‎ ७ रोजी तलवार मिरवणूक निघेल.‎ चाळीसगाव येथील सर्वधर्म‎ समभावाचे प्रतिक असलेल्या पीर मुसा ‎ ‎ कादरी बाबांच्या उर्सला ७३२ वर्षे पूर्ण‎ झाले अाहेत, यंदाचे हे ७३३ वे वर्षे‎ आहे. १० दिवस चालणाऱ्या उर्स ‎ ‎ यात्रोत्सवाची सुरूवात बामोशी‎ बाबांच्या समाधीच्या स्नानाने होते.

गुलाबपाणी, दुध व सुगंधी अत्तराने‎ कबरीचे शाही स्नान केले जाते. दुसऱ्या ‎ ‎ दिवशी परंपरेप्रमाणे संदल मिरवणूक‎ निघते. ही मिरवणूक वाजत गाजत‎ बाबांच्या समाधी स्थळावर पोहोचते.‎ तिसऱ्या दिवशी पूज्य तलवार मिरवणूक‎ निघते. ही भव्य मिरवणूक उर्सचे‎ आकर्षण आहे. हिरव्या चुडी चादरीत‎ गुंडाळलेली ही तलवार बँडच्या‎ सुरवटीत, ढोलताशांच्या गजरात रात्री‎नऊ वाजता बाबांच्या समाधी स्थळावर‎ पोहोचते. अनेक भविक आपली‎ मनोकामना पूर्ण झाल्यावर दर्ग्यातील‎ पवित्र स्थानावर चादर चढवतात.

या‎ चादरीची ढोल ताशांचा गजरात‎ मिरवणुक काढत चादरी सोबत शेरणी,‎ न्याज व गुलाबाची फुले अर्पण केली‎ जातात. अप्पर पाेलिस अधीक्षक रमेश‎ चाेपडे, सहाय्यक पाेलिस अधीक्षक‎ अभयसिंह देशमुख, पाेलिस निरीक्षक‎ के.के. पाटील यांच्या मार्गदर्शनाखाली‎ दर्गास्थळी १५ पोलिस अधिकारी व २००‎ कर्मचाऱ्यांचा माेठा बंदोबस्त तैनात‎ करण्यात आला आहे. दर्ग्यावर १२‎ सीसीटीव्ही कॅमेरे बसविण्यात आले‎ असून वायरलेस टाॅवरसह बॅरिकेड‎ लावण्यात आले आहे. ‎उरुस‎ सोहळ्याची तयारी पूर्णत्वाकडे आहे.‎

प्रवेशासाठी अन् बाहेर पडण्यासाठी दोन मार्ग‎
१० दिवस उरूस चालनार असुन रविवार दि. ५ पासून‎ उरूसाला सुरूवात होईल. येणाऱ्या भाविकांच्या मुलभूत गरजा‎ पुरविण्यासाठी विशेष खबरदारी घेतली जात असल्याचे, दर्गा‎ कमेटी ट्रस्टचे सदस्य शेख रहमान शेख जमाल मुजावर यांनी‎ सांगितले. गर्दीमुळे चेंगराचेंगरी होवू नये यासाठी दर्ग्यात‎ प्रवेशासाठी व बाहेर निघण्यासाठी दोन वेगळे मार्ग करण्यात‎ आले आहेत. अतिक्रमीत दुकानदारांकडून जागा मोकळी केली‎ अाहे. तलवार मिरवणुकीची तयारी केली जात आहे.‎

७ राेजी तलवार मिरवणूक‎

पूज्य तलवार मिरवणूक जुन्या नगरपालिकेजवळील‎ तलवार भवन, भालचंद्र देशमुख यांचे निवासस्थाना ७‎ राेजी सांयकाळी ६ वाजता सुरू होईल. या वेळेस पूज्य‎ तलवारीचे मानकरी गोकुळ शरद देशमुख हे असतील.‎ या वेळेस सुरगाणा संस्थानाचे श्रीमंत कुमार महाराज‎ रोहितरावराजे पवार देशमुख उपस्थित राहतील, अशी‎ माहीती पूज्य तलवार स्थानप्रमुख भालचंद्र देशमुख‎ यांनी बोलताना िदली.‎

पालिकेकडून स्वच्छता‎
काेराेनामुळे दाेन वर्षे साध्या पद्धतीने उरूस‎ साजरा झाला हाेता. यंदा दर्ग्याला रंगरंगोटी,‎ स्वच्छतेसह विद्युत रोषणाई करण्यात आली‎ आहे. मुख्याधिकारी प्रशांत ठाेंबरे यांच्या‎ मार्गदर्शनाखाली नगरपरिषदेकडून दर्ग्याच्या‎ बाजुच्या नदीपात्रातील परिसराची स्वच्छता‎ करण्यात आली आहे. भाविकांसाठी मुबलक‎ स्वच्छ पाण्याची व्यवस्था आहे. यात्रेतील‎ करमणूकीची साधने आधीच डेरेदाखल झाले‎ आहेत. ऊरूसात दुकाने थाटण्यासाठी मुंबई,‎ औरंगाबाद, धुळे, नाशिक, कन्नड येथील‎ व्यावसायिक आले आहेत. त्यात‎ पाळण्यांबरोबर इतर साधनांचा समावेश आहे.‎