अभियान:चाळीसगावातील महिलांना केंद्राच्या‎ विविध योजनेतून 75 काेटींचे वितरण‎

केंद्र सरकारच्या माध्यमातून राबवण्यात‎ येणाऱ्या विविध योजना समजावून घेत‎ त्यासाठी पाठपुरावा करा. जेथे‎ अडवणूक होईल, ती अडचण‎ जाहीरपणे मांडा. बचत गट असो वा‎ लहान व्यावसायिक यांच्या योजनांच्या‎ माध्यमातून केंद्र सरकार आपल्या‎ खंबीर पाठीशी उभे आहे. महिलांना‎ आत्मनिर्भर होण्याची ही सुवर्णसंधी‎ आहे. आगामी काळात स्वत:ची‎ आर्थिक प्रगती करुन परिसराच्या‎ महिलांना आत्मनिर्भरतेच्या मुख्य‎ प्रवाहात आणण्यासाठी प्रयत्नशील‎ असल्याचे प्रतिपादन खासदार उन्मेष‎ पाटील यांनी केले.‎ चाळीसगाव शहर व तालुक्यातील‎ महिला, युवतींसाठी खासदार उन्मेष‎ पाटील यांच्या माध्यमातून जिल्हा‎ महिला आत्मनिर्भर अभियानाचा भूषण‎ मंगल कार्यालयात शुभारंभ करण्यात‎ आला, त्यावेळी ते बाेलत हाते.‎‎‎

‎‎‎‎‎‎‎‎‎‎ कार्यक्रमास माेठ्या संख्येने महिला‎ उपस्थित होत्या. प्रारंभी बचत गटांच्या‎ महिलांनी लावलेल्या विविध स्टॉलवर‎ जाऊन खासदार पाटील यांनी पदार्थांची‎ चव घेत यासाठी महिलांनी घेतलेले‎ कष्ट व पाककृती समजून घेत‎ महिलांचा उत्साह वाढवला. तसेच‎ लहान व्यावसायिकांना पंतप्रधान‎ स्व:निधि, महिला आर्थिक विकास‎ महामंडळ, बचत गटांना कर्जाची‎ रकमेचा धनादेश खासदार उन्मेष‎‎‎‎‎‎‎‎‎‎‎‎‎ पाटील व मान्यवरांच्या हस्ते या वेळी‎ वितरित करण्यात आले.

या वेळी‎ भाजपच्या जिल्हाध्यक्ष रेखा पाटील,‎ जिल्हा उपाध्यक्ष के. बी. साळुंखे,‎ शहराध्यक्ष घृष्णेश्वर पाटील, उमंग‎ महिला परिवाराच्या संपदा पाटील,‎ बाजार समितीचे माजी सभापती‎ मच्छिंद्र राठोड, सरदार राजपूत,‎ विश्वजित पाटील, जि. प. माजी‎ सदस्या मंगला जाधव, भाऊसाहेब‎ जाधव, पं. स. चे माजी सभापती संजय‎‎‎‎‎‎‎‎‎‎‎‎‎ पाटील, माजी सभापती स्मितल बोरसे,‎ उपसभापती सुनील पाटील, दिनेश‎ बोरसे, नगरसेवक बापू अहिरे व‎ चंद्रकांत तायडे, तालुका कृषी‎ अधिकारी चंद्रशेखर साठे, गटविकास‎ अधिकारी नंदकुमार वाळेकर, उमेद‎ जिल्हा व्यवस्थापक हरीश भोई आदी‎ हजर होते. महिलांनी घराबाहेर पडून‎ रोजगार निर्मितीतून कुटुंबाला‎ आत्मनिर्भर करावे, असे आवाहन‎ खासदार पाटील यांनी या वेळी केले.‎