भूमिपूजन समारंभ:माझ्या नादी लागू नका, मी साधा नाही,‎ संजय राऊत सारख्यांना घाम फोडतो‎

माझ्या नादी लागू नका. मी साधा माणूस‎ नाही. संजय राऊत सारख्यांना मी घाम‎ फोडतो. तर, बाकीचे कुठे, अशा शब्दांत‎ शिवसेनेचे नेते गुलाबराव पाटील यांनी‎ ठाकरे गटाच्या जळगावमधील‎ पदाधिकाऱ्यांना इशारा दिला. दोनगाव‎ (ता. धरणगाव) येथे मंत्री गुलाबराव‎ पाटील यांच्या हस्ते विकासकामांचे‎ उद्घाटन करण्यात आले. यावेळी ते‎ बोलत होते. मी बारक्यांच्या नादी लागत‎ नाही, असा खोचक टोलाही त्यांनी ठाकरे‎ गटाच्या स्थानिक पदाधिकाऱ्यांना‎ लगावला. कार्यक्रमाच्या अध्यक्षस्थानी‎ आमदार मंगेश चव्हाण होते. व्यासपीठावर‎ जिल्हा बँकेचे संचालक संजय पाटील,‎ ज्येष्ठ पदाधिकारी आर. डी. पाटील, के.‎ आर. पाटील, शिवसेनेचे उपजिल्हा प्रमुख पी. एम. पाटील, तालुकाप्रमुख गजानन पाटील, राजेंद्र‎ चव्हाण, जिल्हा परिषदेचे माजी सदस्य प्रतापराव पाटील, विक्की पाटील, पं.‎ स. सभापती प्रेमराज पाटील, मुकुंदराव नन्नवरे, रवींद्र चव्हाण, फुलपाटचे‎ सरपंच हरिभाऊ पाटील, उपसरपंच दत्तू पाटील, भिकन पाटील, किरण‎ पाटील, सुनील पाटील, टहाकळीचे सरपंच दीपक चव्हाण, उपसरपंच किरण‎ पाटील, मधू पाटील, अशोक पाटील, बंडू पाटील, प्रमोद पाटील, डी. ओ.‎ पाटील, धरणगावचे पप्पू भावे, विलास महाजन, भटू पाटील, सोसायटीचे‎ चेअरमन किशोर पाटील, विधानसभा क्षेत्र प्रमुख संजय पाटील, माजी सरपंच‎ सुरेश पाटील, महिला संपर्क प्रमुख सरिता माळी, प्रिया इंगळे, भारती चौधरी,‎ पुष्पा पाटील, सुधाकर पाटील, गोकुळ लंके, डॉ. कमलाकर पाटील, चेतन‎ पाटील, शरद पाटील, पंकज पाटील आदींसह ग्रामस्थ उपस्थित होते.‎ सूत्रसंचालन भास्कर पाटील यांनी तर किशोर पाटील यांनी आभार मानले.‎

या कामांचे झाले लोकार्पण व भूमिपूजन ...‎ दोणगाव, टहाकळी व फुलपाट येथील सुमारे ९ कोटींच्या विविध विकास‎ कामांचे लोकार्पण व भूमिपूजन पालकमंत्र्यांनी केले. यात दाेनगाव येथे‎ पाळधी रस्ता मजबूत व विस्तारीकरणासाठी २.५ कोटी, कानळदा रस्ता‎ डांबरीकरणासाठी १ कोटी, शेरी रस्ता डांबरीकरण १.१० कोटी, पथराड रस्ता‎ डांबरीकरण ३० लाख, खेडी रस्ता खडीकरण ३० लाख, शाळेला संरक्षक‎ भिंत २७ लाख, साठवण बंधारा ३५ लाख, व्यायाम शाळा बांधणे १० लाख या‎ कामांचे लोकार्पण केले. तर दोनगाव बुद्रुक येथे पाणीपुरवठा योजनेसाठी ८५‎ लाख व ४९ लाख, संरक्षक भिंत बांधण्यासाठी १० लाख, फुलपाट येथे‎ पाणीपुरवठा योजनेसाठी १७ लाख, पेव्हर ब्लॉक बसवणे व संरक्षक भिंत‎ बांधणे १५ लाख तर टहाकळी येथे पाणीपुरवठा योजनेसाठी ६१ लाख, पेव्हर‎ ब्लॉक बसवणे व साठवण बंधाऱ्यासाठी १५ लाख अशा विविध कामांचे‎ भूमिपूजन करण्यात आले.‎

बारक्यांच्या नादी लागत नाही...‎
काही दिवसांपूर्वी ठाकरे गटाच्या स्थानिक पदाधिकाऱ्यांनी गुलाबराव पाटील यांच्यावर‎ टीका केली होती. त्याला भरसभेत प्रत्युत्तर देताना गुलाबराव पाटील यांनीही खोचक‎ प्रत्युत्तर दिले. माझ्या नादी काय लागता. मी बारक्यांच्या नादी लागत नाही. संजय‎ राऊतांसारख्या माणसाला मी घाम फोडतो. विधानसभेच्या सभागृहात नुसता उभा‎ राहिलो तर समोरच्याला प्रश्न पडतो भाऊ काय बोलणार आहे, असेही ते म्हणाले.‎

शरद पवारांना प्रत्युत्तर‎
कसबा पोटनिवडणुकीत भाजपचा‎ पराभव झाल्यावरून शरद पवारांनी‎ भाजपवर टीका केली आहे. तसेच,‎ लोकांना आता बदल हवा आहे,‎ असेही शरद पवार म्हणाले. यावर‎ मंत्री गुलाबराव पाटील म्हणाले,‎ नागालँड येथे राष्ट्रवादी काँग्रेसचे ७‎ आमदार निवडून आल्यामुळे शरद‎ पवार नक्कीच आनंदी असतील.‎ मात्र, त्यामुळे राज्यातही सत्ता‎ परिवर्तन होईल, असे म्हणणे चुकीचे‎ आहे. प्रत्येक राज्याचे गणित‎ वेगवेगळे असते. त्यामुळे एका‎ निवडणुकीवरून पुढील‎ निवडणुकीचा अंदाज बांधता येऊ‎ शकत नाही, असे ते म्हणाले.‎