राजकारण:वाढीव मते अन‌् भाजपने खेळलेल्या नातेगोत्यांच्या‎ यशस्वी खेळीमुळे जामनेर शेतकी संघ बिनविरोध‎

भाजपने वाढवलेली मते व‎ नात्यागोत्यांच्या यशस्वी खेळीमुळे‎ जामनेर तालुका शेतकरी सहकारी‎ संघाची निवडणूक बिनविरोध‎ झाली आहे. भाजपच्या या‎ चाणक्य नितीमुळे जामनेरात‎ महाविकास आघाडी पूर्ती‎ गर्भगळीत झाली असून नेत्यांसह‎ उमेदवारांनी निवडणूक‎ लढण्याआधीच हार मान्य केली‎ आहे.‎

काँग्रेमधील काही नाराजांसह‎ माजी आमदार ईश्वरलाल जैन‎ यांच्या सहकार्याने २०१६मध्ये‎ जामनेर भाजपने शेतकी संघाची‎ सत्ता काबीज केली हाेती. पाच‎ वर्षाचा कार्यकाळ पूर्ण झाला‎ असला तरी कोरोना व राजकीय ‎ ‎ अस्थिरतेमुळे त्यांना दोन वर्षांचा‎ अतिरिक्त कालावधी मिळाला. या‎ सात वर्षांच्या कालावधीत जामनेर‎ भाजपने व्यक्तीसह मतदार संघात‎ तब्बल ७०० मते वाढवली.

तसेच‎ तालुक्यातील ९२ पैकी तब्बल ६५‎ विकासो ताब्यात घेतल्या आहेत.‎ वाढीव मतांबरोबरच महा-विकास‎ ‎ ‎आघाडीतील संभाव्य‎ उमेदवारांच्या नात्यागोत्यातील‎ वरचढ उमेदवार देत चाणक्य नीती‎ अवलंबली.

असे आहेत विजयी उमेदवार ...‎

चंद्रकांत बाविस्कर, बाबुराव गवळी, डॉ. सुरेश पाटील, रंगनाथ पाटील,‎ साहेबराव देशमुख, दगडू चौधरी, रजनी नाईक, किशोर पवार, सुरेखा‎ पाटील, उत्तम राठोड, भिकारी जाधव, गिरीश पाटील, आबा पाटील,‎ युवराज शेळके, संगीता पाटील, नाना पाटील हे बिनविरोध झाले त. सर्व‎ बिनविरोध सदस्यांचा माजी नगराध्यक्ष साधना महाजन यांनी सत्कार केला.‎

नुकत्याच झालेल्या कृषी उत्पन्न बाजार समिती‎ निवडणुकीत विकास साेसायट्यांच्या मतांमुळे भाजपला‎ १०० टक्के यश मिळवता आले आहे. वाढीव मतदार व‎ सहकारी सोसायटीमध्ये पडती बाजू पाहता महा-विकास‎ आघाडीतर्फे मंगळवारी संयुक्त बैठक घेण्यात अाली.‎ यात सर्व उमेदवारांच्या माघारीचा एकमुखी निर्णय‎ घेण्यात आला.

त्यानुसार गुरुवारी महा-विकास‎ आघाडीच्या सर्व उमेदवारांनी माघारी घेतल्या.‎ त्याचबरोबर मंत्री गिरीश महाजन यांनी जाहीर केलेल्या‎ उमेदवारांव्यतिरिक्त भाजपतील इच्छुकांनी ही माघारी‎ घेतल्याने जामनेर तालुका शेतकरी सहकारी संघाची‎ निवडणूक बिनविरोध पार पडली आहे.‎

भाजपची घोडदौड

सन १९९३ साली गिरीश महाजन हे‎ प्रथम आमदार झाले. त्यानंतर तब्बल तीन पंचवार्षिक‎ निवडणूक जिंकल्यानंतर ही गिरीश महाजन यांना‎ सहकार क्षेत्रात हवी तेवढी ताकद निर्माण करता आली‎ नव्हती. दरम्यान, सत्ता संघर्षाच्या खेळात काँग्रेसमधील‎ नाराज असलेल्या सहकारातील पदाधिकाऱ्यांना मंत्री‎ महाजन यांनी जवळ केले. तसेच तालुक्यात संजय गरुड‎ यांचे कट्टर विरोधक म्हणून माजी आमदार ईश्वरलाल‎ जैन यांचेही मंत्री गिरीश महाजन यांना सहकार्य मिळाले.‎ आज सहा पंचवार्षिक निवडणुका जिंकण्याबरोबरच‎ सहकारातील कृषी उत्पन्न बाजार समिती, शेतकी संघ,‎ देखरेख संघ अशा मोठ्या संस्थाही मंत्री महाजन यांनी‎ काबीज केल्या आहेत.

मंत्री महाजन यांच्या या‎ घोडदौडीमुळे तालुक्यातील शेंदुर्णीतील काही संस्था‎ वगळता अन्य मोठ्या सहकारी संस्था भाजपच्या‎ ताब्यात आल्या आहेत.‎

माघारीच्या शेवटच्या दिवशी संस्था मतदार संघातून‎ एकूण ७ जण बिनविरोध तर महिला राखीवमधून २‎ तसेच भटक्या विमुक्त जाती मतदारसंघातून १ अशा‎ एकूण १० जागा बिनविरोध झाल्या अाहेत. निवडणूक‎ अधिकारी म्हणून एस. एफ. गायकवाड, संजय पाटील,‎ शेतकरी संघाचे मॅनेजर राहुल पाटील, भिका पाटील,‎ बाबूलाल शिंपी, अमोल पाटील यांनी काम पाहिले.‎