आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

आंदोलन:संपामुळे ग्रामीण भागात वीज खंडित,‎ पाणीपुरवठा ठप्प, कृषी फीडरही बंद‎

चाळीसगाव‎एका महिन्यापूर्वी
  • कॉपी लिंक

महावितरणच्या कर्मचाऱ्यांनी‎ बुधवारी मध्यरात्रीपासून‎ पुकारलेल्या संपात चाळीसगाव‎ विभागातील तांत्रिक, क्लर्क,‎ ऑपरेटर, अभियंता असे सुमारे ३००‎ कर्मचारी सहभागी झाले होते.‎ त्यामुळे सकाळपासून शहरासह‎ ग्रामीण भागात काही ठिकाणी‎ वीजपुरवठा विस्कळीत झाला होता.‎ ग्रामीण भागात अनेक ठिकाणी‎ पाणीपुरवठा योजनांसह शेती पंपांचे‎ फिडरही बंद पडले होते. संपकरी‎ कर्मचाऱ्यांनी हिरापूर रेाडवरील‎ सबस्टेशन समोर आंदोलन केेले.‎ संपामुळे राज्यात वीज निर्मितीवर‎ परिणाम झाला. चाळीसगाव‎ परीसरातही त्याचा फटका‎ बसल्याचा दावा संपकरी‎ कर्मचाऱ्यांनी केला होता. संपावर‎ गेलेल्या कर्मचाऱ्यांनी हिरापूर‎ रोडवरील सब स्टेशनसमोर एकत्र‎ येत आंदोलन पुकारले. महावितरण‎ खासगीकरणाच्या विरोधात तसेच‎ केंद्र व राज्य सरकार आणि अदानी‎ समुहाविरोधात जोरदार घोषणाबाजी‎ करत निदर्शने करण्यात आली.‎ संपामुळे महावितरणच्या‎ चाळीसगाव विभागातील‎ कार्यालयांमध्ये सकाळपासून‎ शुकशुकाट होता.‎

अमळनेरात संपाच्या‎ काळात वीज सुरळीत‎ अमळनेर | खासगीकरणाला‎ विरोध म्हणून महावितरण कंपणीचे‎ कर्मचारी मंगळवारी संपावर गेले‎ होते. कार्यालयाबाहेर कर्मचाऱ्यांनी‎ मंगळवारी आंदोलन केले. कृती‎ समितीचे कामगार नेते पी.वाय.‎ पाटील, मनोज पवार, प्रफुल्ल‎ पाटील, रवींद्र सुर्यवंशी, श्यामकांत‎ पाटील, जगदीश वंजारी यांनी वीज‎ कर्मचाऱ्यांच्या आंदोलनाला पाठिंबा‎ दिला. वीज कर्मचारी संपावर‎ गेल्याचा परिणाम कुठेही झाला‎ नाही. मंगळवारी दिवसभर‎ वीजपुरवठा सुरळीत होता.‎ सायंकाळी संप मागे घेण्यात आला.‎

पारोळ्यात १०४‎ कर्मचाऱ्यांचा सहभाग‎ पारोळा | तालुक्यात‎ महावितरणच्या १०४ कर्मचाऱ्यांनी‎ संपात सहभाग घेतला. त्यापैकी २५‎ कर्मचारी पाचोरा येथे व २५ कर्मचारी‎ जळगाव येथे संपामध्ये सहभाग‎ घेण्यासाठी गेले. तर कंत्राटी २७‎ कर्मचाऱ्यांनी कामकाज सांभाळले.‎ शहरात मंगळवारी दिवसातून दोन ते‎ तीन वेळा वीजपुरवठा खंडीत झाला.‎ परंतु लागलीच पुरवठा सुरळीत‎ झाला. ग्रामीण भागात अनेक‎ ठिकाणी वीजपुरवठा खंडीत होता.‎ १३३ केव्ही केंद्रावर कर्मचाऱ्यांनी‎ धरणे आंदोलन केले. पोलिसांनी‎ आढावा घेतला.‎

पाचोऱ्यात संपाचा‎ कोणताही परिणाम नाही‎ पाचोरा |संपाच्या अनुषंगाने वीज‎ कर्मचाऱ्यांनी पाचोरा महावितरण‎ विभागीय कार्यालयासमोर जोरदार‎ निदर्शने केली. संपाला कॉँग्रेसचे‎ सचिन सोमवंशी, राष्ट्रवादी‎ कॉँग्रेसचे तालुकाध्यक्ष विकास‎ पाटील, शिवसेना ठाकरे गटाचे‎ अभय पाटील तसेच विविध‎ सामाजिक संघटनांनी पाठिंबा‎ दिला. याप्रसंगी संघर्ष समितीचे‎ आर.आर.पाटील, किशोर पाटील,‎ दीपक आदीवाल, शरद मोरे आदी‎ उपस्थित होते. या संपाचा‎ वीजपुरवठ्यावर कोणताही‎ परिणाम झाला नाही.‎

धरणगावात‎ आंदोलन‎ धरणगाव | येथील विभागीय कार्यालयाबाहेर महाराष्ट्र राज्य वीज कर्मचारी संयुक्त कृती समितीने आंदोलन केले. भिका‎ पाटील, मनोज देवराळे, कमलेश चौधरी, भानुदास विसावे, संतोष सोनवणी, विठ्ठल पवार, हेमंत कुलकर्णी, धीरज महाजन,‎ दत्तू पवार, दीपक अहिरे, मनोज मराठे, किशोर महाजन, रवींद्र चिचोरे, वैभव वानखेडे आदी कर्मचारी उपस्थित होते.‎

बातम्या आणखी आहेत...