कार्यकारिणी जाहीर‎:बाभळेनाग बैठकीत शेतकरी संघटना‎ शाखा स्थापन ; कार्याध्यक्षपदी सागर माळी यांची निवड‎

पाण्यावाचून शेती नाही, गावाच्या‎ शिवारात एक नाही तर दोन दोन‎ धरणे आहेत. परंतु, अपूर्ण पाणलोट‎ क्षेत्र असल्याने ते परिपूर्ण भरत‎ नाहीत. त्यामुळे गावापासून जवळच‎ असलेल्या नगाव गावातील‎ शिवारातून पाटाचे जाणारे पाणी‎ पाट-चारीच्या माध्यमातून या‎ धरणात सोडले तर या गावाचा‎ कायापालट होणार, यात शंका नाही.‎ यासाठी शेतकऱ्यांनी एकजूट करून‎ संघटन केल्याशिवाय पर्याय नाही.‎ आपल्या गावाचा पाण्याचा प्रश्न‎ सोडवण्यासाठी या शाखेच्या‎ माध्यमातून प्रयत्न करू, असे‎ प्रतिपादन महाराष्ट्र शेतकरी‎ संघटनेचे संस्थापक अध्यक्ष सुनील‎ देवरे यांनी केले.‎

बाभळेनाग येथे शेतकरी‎ संघटनेच्या शाखा स्थापनेच्या‎ कार्यक्रमात ते बोलत होते.‎ प्रास्ताविक नाना पाटील यांनी केले.‎ शाखेच्या नियोजन संदर्भात तसेच‎ शाखा शेतकऱ्यांना किती लाभदायी‎ आहे, याचे तालुकाध्यक्ष डॉ. विनोद‎ चौधरी यांनी महत्त्व पटवून‎ सांगितले. प्रमुख पाहुणे म्हणून‎ गावातील सर्व आजी-माजी सरपंच,‎ ग्रामपंचायत सदस्य, सोसायटीचे‎ चेअरमन, सदस्य व ज्येष्ठ नागरिक,‎ युवक उपस्थित होते. याप्रसंगी‎ बाभळेनाग गावात महाराष्ट्र शेतकरी‎ संघटनेची शाखा स्थापन करण्यात‎ आली. या वेळी गावातील शेतकरी‎ मोठ्या संख्येने उपस्थित होते. मयूर‎ ठाकूर यांनी आभार मानले.‎

यांचा अाहे कार्यकारिणीत‎ समावेश ...‎ शाखाध्यक्ष म्हणून मयूर ओंकार‎ ठाकूर, कार्याध्यक्षपदी सागर‎ पुंडलिक माळी, माहिती प्रमुख‎ म्हणून अमोल साहेबराव बाविस्कर,‎ उपाध्यक्षपदी सागर वसंत माळी,‎ संपर्क प्रमुखपदी समाधान पुंडलिक‎ माळी, खजिनदारपदी धनराज‎ नारायण माळी, महासचिवपदी‎ राकेश माळी, सचिव म्हणून‎ भीमराव भावलाल माळी, प्रसार‎ माध्यम प्रमुख म्हणून रवींद्र सुरेश‎ माळी, सल्लागार म्हणून हिरालाल‎ लक्ष्मण मरसाळे, ज्येष्ठ मार्गदर्शक‎ म्हणून आधार सोमा ठाकूर, आरोग्य‎ प्रमुख म्हणून जगदीश विकास माळी‎ तर सदस्यपदी अरूण लोटन माळी,‎ भाऊसाहेब हिरालाल माळी, दगडू‎ फकिरा माळी, रोजेसिंग युवराज‎ पाटील, सखाराम धुडकू माळी,‎ कैलास संतोष माळी, जितेंद्र लोटन‎ माळी, भीमराज युवराज माळी,‎ शांताराम लहू माळी यांची निवड‎ करण्यात आली.‎