विकासकामांचे लोकार्पण‎:शेंदुर्णीत नव्या पाणीपुरवठा‎ योजनेचे आज भूमिपूजन‎

येथील ६५ कोटींच्या पाणीपुरवठा‎ योजनेचे भूमिपूजन, आज दि.५‎ रोजी दुपारी ३ वाजता मंत्री गिरीश‎ महाजन यांच्याहस्ते होणार आहे. या‎ वेळी अन्य विकास कामाचे मंत्री‎ महाजन यांच्या उपस्थितीत‎ लाेकार्पण केले जाणार आहे.‎ या योजनेसाठी नगराध्यक्षा‎ विजया खलसे, उपनगराध्यक्ष गणेश‎ पाटील, माजी उपनगराध्यक्ष नीलेश‎ थोरात, भाजप जिल्हा उपाध्यक्ष‎ गोविंद अग्रवाल व अमृत खलसे‎ यांनी पाठपुरावा केला होता. केंद्र‎ सरकारच्या अमृत दोन योजनेतून‎ वाघूर धरणावरून शेंदुर्णीसाठी ६५‎ कोटींची पाणीपुरवठा योजना मंजूर‎ झाली आहे.

त्याचे भूमिपूजन व‎ कोनशीला अनावरण नगरपंचायतीत‎ होणार आहे. भाजप तालुकाध्यक्ष‎ चंद्रकांत बाविस्कर उपस्थित‎ राहतील. त्याचप्रमाणे वाडी तलाव‎ सुशोभीकरणाचेही भूमिपूजन होणार‎ आहे. वाडी दरवाजा येथील ७१‎ लाखांच्या महिला व पुरुष‎ स्वच्छतागृहाचा लोकार्पण, तसेच‎ वाडी दरवाजा येथील हाळजवळ‎ रस्त्याच्या कामाचे भूमिपूजन, वाडी‎ दरवाजा भागातील सोयगाव‎ रोडवरील जलकुंभाचे लोकार्पण‎ होणार आहे. तसेच जलशुद्धीकरण‎ केंद्र तसेच पाणीपुरवठ्यासाठी सौर‎ ऊर्जा प्रकल्पाचेही भूमिपूजन होणार‎ आहे. उपस्थितीचे आवाहन सीओ‎ साजिद पिंजारी यांनी केले आहे.‎