माझी वसुंधरा अभियान:अमळनेर पालिकेच्या वीज निर्मिती उपकरणाचे‎ उद्घाटन; डिस्चार्ज बॅटरी ८ तासांत हाेईल चार्ज‎

अमळनेर‎ येथील नगर परिषद कार्यालयात माझी ‎वसुंधरा अभियानांतर्गत वीज‎ निर्मितीच्या उपकरणाचे उद्घाटन व ‎लोकार्पण माजी नगराध्यक्षा पुष्पलता ‎पाटील, प्रशासक तथा उपविभागीय ‎अधिकारी सीमा अहिरे व‎ मुख्याधिकारी प्रशांत सरोदे यांच्या‎ प्रमुख उपस्थितीत करण्यात आले.‎ ही संकल्पना मांडणारे व‎ पर्यावरणपूरक उपकरण बनवल्याबद्दल‎ प्रशासक व मुख्याधिकारी यांनी विद्युत‎ अभियंता प्रशांत ठाकूर यांचे काैतुक‎ केले. तसेच अशी उपकरणे अजून‎ तयार व्हायला हवीत, असे मत‎ पुष्पलता पाटील यांनी व्यक्त केले. या‎ वेळी पालिकेचे उप मुख्याधिकारी‎ संदीप गायकवाड, माझी वसुंधरा‎ अभियानाचे नोडल अधिकारी संजय‎ चौधरी, नगर अभियंता अमोल भामरे,‎ डिगंबर वाघ, नगर रचना सहायक‎ विकास बिरारी, आबिद शेख व इतर अधिकारी, कर्मचारी उपस्थित होते. हे‎ उपकरण पाहण्यासाठी शहरातील‎ नागरिकांची गर्दी झाली होती.‎ अभियंता प्रशांत ठाकूर यांनी या‎ उपकरणाची उपस्थितांना कार्यपद्धती‎ सांगितली.‎ अशा पद्धतीने कार्य करते यंत्र‎ कार्यालयात बरेच नागरिक दररोज‎ कामानिमित्त पालिकेत येतात. नागरिक‎ ज्यावेळी पालिकेच्या प्रवेशद्वारावरील‎ मॅट वर पाय ठेवतील, त्यावेळी तेथे‎ असलेली पॉवर स्टेप प्रणाली‎ कार्यान्वित होईल.

ज्यामुळे‎ प्रणालीतील शक्तीशाली चुंबकामध्ये‎ हालचाल निर्माण होवून आतील कॉपर‎ कॉईलमध्ये ईएमएफ अर्थात व्होल्टेज‎ तयार होईल. आता एका पावलाने‎ साहाजिकच कमी प्रमाणात व्होल्टेज‎ तयार होईल. परंतु अशीच हालचाल‎ सतत होत राहिल तेव्हा मोठ्या‎ प्रमाणात व्होल्टेज तयार होईल. तयार‎ झालेले व्होल्टेज एका बॅटरीत स्टोअर‎ करण्यात येईल. या यंत्राद्वारे पूर्णपणे‎ डिस्चार्ज झालेली बॅटरी साधारण ८‎ तासात चार्ज होईल. म्हणजे कार्यालय‎ १० ते ६ वेळेत नागरिकांच्या मदतीने‎ बॅटरी पूर्ण चार्ज होईल. पूर्ण चार्ज‎ झालेली बॅटरी आपणास दिवे प्रकाशित‎ करण्यासाठी वापरता येईल. रात्री ९‎ व्हॅटचे दोन दिवे साधारण ६ ते ७ तास‎ सुरु राहतील. या दिव्यांना पीआयआर‎ मोशन सेंसॉर लावलेले आहेत.‎ ज्यावेळी एखादी चल वस्तू सेंसॉरच्या‎ क्षेत्रात आल्यास प्रवेशद्वारावरील दिवा‎ ऑटोमॅटिक प्रकाशित होईल. ज्यामुळे‎ तयार ऊर्जेची बचत होईल.‎

असे उपक्रम राबवणार‎ ऊर्जा बचतीकडे एक पाऊल‎ उचलेले आहे. यामुळे आम्ही‎ म्हणतो ‘तुमचे एक पाऊल ऊर्जा‎ निर्मीतीसाठी’. हा प्रयोग शहरातील‎ नागरिकांची वर्दळ जेथे असेल अशा‎ इतर ठिकाणी राबवू. जसे मार्केट,‎ उद्यान, शासकिय कार्यालये, बँक‎ येथे हा उपक्रम राबवू , अशी भावना‎ प्रशांत सरोदे यांनी व्यक्त केली.‎

राज्यातील ठरणार‎ पहिली नगरपालिका‎ माझी वसुंधरा अभियान अंतर्गत‎ ऊर्जा या घटकात अमळनेर‎ पालिकेचा आदर्श ऊर्जा निर्मिती व‎ बचतीचा हा महत्वकांशी प्रकल्प‎ असून ताे प्रायोगिक तत्वावर‎ उभारलेला आहे. असा प्रकल्प‎ राबवणारी अमळनेर महाराष्ट्रातील‎ पहिली पालिका ठरणार आहे.‎