यात्रा‎:पातोंडा येथे लघुमाहिजी‎ देवीची आजपासून यात्रा‎

अमळनेर तालुक्यातील पातोंडा येथे‎ माहिजी देवी यात्रोत्सवास‎ आजपासून सुरुवात होणार आहे.‎ तत्पुर्वी गुरुवारी गावातून देवीची‎ पालखी मिरवणूक काढण्यात‎ आली.‎ आई भगवती पालखी नगर‎ प्रदक्षिणा सकाळी ७.३० वाजता‎ झाली. ६ रोजी आई भगवती‎ यात्रोत्सव, ७ रोजी आई भगवती‎ उत्तर यात्रोत्सव होईल. गावातील हरिपाठ महिला मंडळ, तरुण-तरुणी‎ व आबालवृध्दांंनी ५ रोजी टाळ,‎ मृदंग व भजनी मंडळाच्या सोबतीने ‎आई भगवती माहिजी देवी पालखी मिरवणुकीत सहभाग घेतला.

‎लघुमाहिजी देवी यात्रोत्सवात परिसरातील हजारो भाविक यात्रेत ‎सहभागी होऊन देवीचे दर्शन घेतात.‎ गावापासून उत्तरेस उंच कळस‎ असलेले सुंदर लघुमाहिजी देवीचे‎ भव्य पुरातन मंदिर आहे. मंदिरात‎ अखंड दगडावर कोरीव सिंहावर‎ आरूढ असलेली देवीची भव्य मूर्ती‎ आहे. ही देवी आजही सप्तशृंगी‎ देवीचे प्रतिरूप म्हणून ओळखली‎ जाते. प्राचीन काळात देवीच्या‎ मंदिराच्या जागेवर एक मोठा वटवृक्ष‎ होता. या वृक्षाखाली उदासी‎ नावाच्या तपस्वी महाराजांची‎ पर्णकुटी होती. सभोवताली‎ झाडाझुडपांसह पडीक शेतजमीन‎ होती.

या जमिनीची मशागत‎ करताना एका शेतकन्याला त्रिशूळ‎ आकाराच्या दगडाचे तीन सुरेख‎ बाण सापडले. सप्तशृंगी देवीला‎ सात बहिणी होत्या. त्यापैकी सर्वात‎ लहान बहिणीचे नाव माहिजी देवी‎ होते. ती सर्वांत लहान असल्याने या‎ देवीला लघुमाहिजी असे संबोधले‎ जाते, अशी अख्यायिका आहे.‎

रोडग्याचा असतो प्रसाद‎ पौष शु. चतुर्दशीला मानलेला नवस‎ फेडण्यासाठी परिसरातील भाविक‎ येतात. देवीला नैवेद्य म्हणून वरण व‎ रोडग्याचा प्रसाद अर्पण केला जातो.‎ तर पौर्णिमेच्या दिवशी भाविकांच्या‎ योगदानातून गुळाचा शिरा व‎ महाप्रसादाचे आयोजन केले जाते.‎