बैठक:जामनेरात लगतच्या गावातील‎ नऊ हजारांवर मतदारांची नावे‎

‎शहरा लगतच्या खेड्यापाड्यांसह अन्य‎ तालुक्यातील तब्बल नऊ हजारावर मतदारांची‎ नावे जामनेरत असल्याची तक्रार काँग्रेस‎ तालुकाध्यक्ष शंकर राजपूत यांनी गुरुवारी‎ झालेल्या बैठकीत केली. तर साडेसहा हजार‎ मतदारांची नावे दुबार दिसत असल्याचे‎ प्रशासनाने मान्य केले आहे.

‎ जामनेर येथे गुरुवारी आधार जोडणी, दुबार‎ नावे, मृत मतदारांची नावे व गाळून फोटो स्पष्ट‎ करणे, यासाठी निवडणूक उपजिल्हाधिकारी‎ तुकाराम हुलवडे यांच्या अध्यक्षतेखाली बैठक‎ घेण्यात आली. या वेळी जामनेर‎ शहरालगतच्या पळासखेडा, हिंगणे, गारखेडा,‎ हिवरखेडा, टाकरखेडा, टाकळी, चिंचोली‎ पिंपरी यासह अन्य तालुक्यातील तब्बल ८ ते ९‎ हजार मतदारांची नावे जामनेर शहराच्या‎ मतदार यादीत असल्याची तक्रार काँग्रेसचे‎ तालुकाध्यक्ष शंकर राजपूत यांनी केली. तसेच‎ एकलव्य नगर, गणेश वाडी, शास्त्री नगर,‎ पुरुषोत्तम नगर अशा ठिकाणी २०० ते २२००‎ मतदार हे आदिवासी असल्याचे मतदार यादीत‎ दाखवण्यात आले आहे.

नाेटीस बजावून अतिरिक्त नावे कमी केली जाणार
जामनेर येथील मतदार यादीत १०‎ हजारांवर दुबार नावे असल्याची‎ तोंडी तक्रार राजपूत यांनी केली‎ आहे. त्यासाठी कुठलाही सबळ‎ पुरावा दिलेला नाही. मात्र, असे‎ असले तरी मृत नावे, स्थलांतरित‎ झालेली नावे, एका पेक्षा अनेक‎ ठिकाणी असलेली नावे वगळून‎ मतदार यादी अपडेट करण्याचे काम‎ सुरू झाले आहे. ६ हजार ४००‎ मतदारांची नावे एकापेक्षा अनेक‎ ठिकाणी दिसून आली आहेत.‎ संबंधितांना नोटीस बजावून सबळ‎ पुरावे पाहुन ती नावे कमी केली‎ जातील, असे मत उपजिल्हाधिकारी‎ तुकाराम हुलवडे यांनी व्यक्त केले.‎

९६ हजार ६३० मतदारांचा आधार डेटा जमा‎
जामनेर तालुक्यात एकूण ३ लाख १३ हजार मतदार आहेत. त्यापैकी १‎ लाख ९६ हजार ६३० मतदारांचा आधार डेटा जमा झालेला आहे. उर्वरित‎ मतदारांचा डेटा जमा करून झाल्यानंतर आधार-कार्ड मतदार‎ यादी-सोबत जोडले जाणार आहे. त्यामुळे आपोआपच दुबार नावे‎ वगळले जातील, असेही उपजिल्हाधिकारी हुलवडे यांनी स्पष्ट केले.‎