आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

संघ विजेता:अ‌मळनेरातील महिला महोत्सवात‎ समूह नृत्यात न्यू प्लॉटचा संघ विजेता‎

अमळनेर‎एका महिन्यापूर्वी
  • कॉपी लिंक

येथील छत्रपती शिवाजी महाराज‎ नाट्यगृहात आयोजित महिला‎ महोत्सवात, समूह नृत्य स्पर्धेत‎ गोंधळ नृत्य सादर करणाऱ्या न्यू‎ प्लॉट महिला मंचला प्रथम‎ क्रमांकाचे पारितोषिक मिळाले.‎ दुसऱ्यांदा हा ग्रुप विजयाचा मानकरी‎ ठरला. तर सोलो डान्स स्पर्धेत‎ नृत्यांगना नयना कुळकर्णी विजेत्या‎ ठरल्या.‎ महिला व बालकल्याण विभाग,‎ अमळनेर नगरपरिषद आणि‎ अमळनेर महिला मंच ट्रस्टतर्फे‎ गौरीसुत प्रतिष्ठान यांच्या सौजन्याने,‎ सावित्रीबाईंच्या लेकींचा भव्य‎ महिला महोत्सवाचा बक्षीस समारंभ‎ मंगळवारी पार पडला. यावेळी‎ अभिनेत्री भार्गवी चिरमुले, आमदार‎ अनिल पाटील, सुनीता मोडक,‎ शरद उगले, माजी जि.प.सदस्या‎ जयश्री पाटील, पालिका प्रशासन‎ अधिकारी संजय चौधरी, गौरीसुत‎ प्रतिष्ठानचे अध्यक्ष संदीप घोरपडे,‎ पालिकेचे प्रकल्प अधिकारी मुसळे‎ उपस्थित होते.

याप्रसंगी महिला मंच‎ सदस्यांच्या //"सूर तेच छेडिता//" या‎ ऑर्केस्ट्राने धम्माल उडवली. सुरेख‎ गीते सादर करून त्यांनी‎ उपस्थितांची मने जिंकली. यानंतर‎‎‎‎‎‎‎‎‎‎‎‎‎ विविध स्पर्धांचा निकाल घोषित‎ होऊन बक्षीस वितरण समारंभ‎ झाला. अमळनेरच्या या उत्सवात‎ महिलांनी मोठ्या संख्येने उपस्थिती‎ दिली. हाच खरा आनंदाचा क्षण‎ असून हा उत्सव अखंडित सुरू‎ ठेवावा अशी अपेक्षा आमदार‎ अनिल भाईदास पाटील यांनी व्यक्त‎ केली. अध्यक्षा डॉ.अपर्णा मुठे व‎ उपाध्यक्षा तिलोत्तमा पाटील यांनी‎ मनोगत व्यक्त केले. सूत्रसंचालन‎ वसुंधरा लांडगे यांनी केले. आभार‎ कांचन शाह यांनी मानले. सेक्रेटरी‎ सरोज भांडारकर, खजिनदार‎ कांचन शाह, भारती गाला, करुणा‎ सोनार, पद्मजा पाटील, प्रा.शिला‎ पाटील, विजया देसरडा, विद्या‎ हजारे, वसुंधरा लांडगे, उज्वला‎ शिरोडे यांनी परिश्रम घेतले.‎

महिलांनी पुढे यावे‎ अभिनेत्री भार्गवी चिरमुले यांनी‎ संवाद साधला. महिलांनी‎ व्यासपीठावर येण्याचे धाडस‎ करावे. कुणी टिंगल केली म्हणून‎ खचून जाऊ नये. पुढील वर्षी‎ महोत्सवात प्रत्येक स्त्री ला एक‎ झाड आपण देऊ या, त्यामुळे मला‎ नक्कीच अमळनेर शहर हिरवेगार‎ झालेले दिसेल. महिलांनी घराच्या‎ पलीकडे जाऊन काहीतरी काम‎ करावे. जेणेकरून घरच्यांना त्यांची‎ किंमत कळेल. प्रत्येक व्यक्तीने‎ कुटुंबाची जबाबदारी घ्यावी,‎ त्यामुळे कुटुंब आनंदी राहते. बक्षीस‎ मिळाले तर आनंद व्यक्त करा, पण‎ नाही मिळाले तर पुन्हा प्रयत्न करा‎ असा मौलिक सल्ला त्यांनी दिला.‎

बातम्या आणखी आहेत...