नागरिकांची मागणी:पारोळ्यातील भांडवली मूल्याधारित‎ कर आकारणीवर हरकती दाखल‎

येथील नगरपरिषदेने चालू आर्थिक‎ वर्षाची चतुर्थ वार्षिक मालमत्ता कर‎ आकारणी भांडवली मुल्यावर‎ आधारित आहे. त्यावर हरकती व‎ सुनावणी घेण्याचे काम हाती घेण्यात‎ आले आहे. भांडवली कर‎ आकारणी रद्द करण्यात यावी अशी‎ नागरिकांची मागणी आहे. याबाबत‎ लेखी स्वरूपात नगरपरिषदेकडे‎ हरकती व तक्रारी नोंदवलेल्या‎ आहेत. याबाबत जिल्हाधिकाऱ्यांनी‎ समिती स्थापित करून नागरिकांना‎ अपील करण्याचे आवाहन केले‎ आहे.‎ आमदार चिमणराव पाटील यांनी‎ भांडवली कर आकारणीला स्थगिती‎‎‎‎‎‎‎‎ देण्याबाबत मुख्यमंत्र्यांना पत्र दिले‎ होते.

त्यावर नगर विकास विभागाने‎ तात्पुरती स्थगिती दिली. सुधारीत‎ भांडवली मुल्यावरील कर‎ आकारणी लागू करताना, पुर्वीची व‎ आताची वाढीव घरपट्टी यातील‎ तफावत विचारात घेतली नाही.‎ तसेच कोरोनानंतर सर्वसामान्य‎ सावरत असताना, वाढीव घरपट्टीचा‎ बोजा पेलवणार नाही, अशी‎ प्रतिक्रिया नागरिकांमधून उमटत‎‎‎‎‎‎‎‎ आहे. प्रचलित कर प्रणालीत‎ मालमत्तेच्या वापरण्यात येणाऱ्या‎ क्षेत्राच्या भाडेमुल्यावर मालमत्ता‎ कर आकारला जात होता. परंतु‎ नवीन भांडवली मुल्यानुसार‎ आकारणी करताना मालमत्तेचे‎ बखळ क्षेत्रफळ, बांधीव क्षेत्रफळ,‎ पार्किंग, जिने, ओटे, पॅसेज यांचे‎ मूल्य काढून त्यावर सुधारित‎ मालमत्ता कर आकारणी केली जात‎ आहे.