आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कोरोनाचा धोका पुन्हा वाढला:पाचोरा ग्रामीण रुग्णालयात ओटू प्लांट बंद‎

पाचोरा‎एका महिन्यापूर्वी
  • कॉपी लिंक

जगभरातील काही देशांमध्ये‎ कोरोनाचा धोका पुन्हा वाढला आहे. ‎ त्यामुळे आरोग्य विभागही सतर्क‎ झाला आहे. मात्र, ग्रामीण ‎ ‎ रुग्णालयातील ऑक्सिजन निर्मिती ‎ ‎ प्रकल्प, केवळ‎ स्टॅबिलायझरअभावी धूळ खात‎ पडून आहे.‎ मागील काळातील अनुभव‎ पाहता पाचोरा ग्रामीण रुग्णालयात,‎ आरोग्य विभागाने रुग्णालयाची‎ स्वच्छता केली.

रुग्णालयात‎ असलेल्या खाटा, बेड, फॅन,‎ वीजपुरवठा, औषधसाठा, जम्बो‎ सिलिंडर, ओटू पाइपलाइन‎ अद्ययावत केली. तसेच एक प्रभारी‎ वैद्यकीय अधिकारी, दोन वैद्यकीय‎ अधिकारी, तीन आयुष वैद्यकीय‎ अधिकारी यांची नियुक्ती केली‎ असून, ३० बेड, २५ ओटू बेड, दोन‎ व्हेंटिलेटर, १० हजार लिटरचे दोन‎ ऑक्सिजन प्लांट सज्ज ठेवले‎ आहेत.

आमदार किशोर पाटील‎ यांच्या पाठपुराव्यामुळे मिनिटाला १‎ हजार लिटर अॉक्सिजन निर्मिती क्षमतेचा प्रकल्प, ग्रामीण‎ रुग्णालयात उभारला होता. याचे‎ उद्घाटन स्वतः आमदार पाटील,‎ जिल्हा आरोग्य अधिकारी‎ डॉ.नागोजीराव चव्हाण, माजी‎ नगराध्यक्ष संजय गोहिल,‎ उपविभागीय अधिकारी डॉ.विक्रम‎ बांदल तहसीलदार कैलास चावडे,‎ मुख्याधिकारी शोभा बाविस्कर,‎ तालुका वैद्यकीय अधिकारी‎ डॉ.समाधान वाघ, ग्रामीण‎ रुग्णालयाचे अधिष्ठाता डॉ.अमित‎ साळुंखे यांच्या उपस्थितीत झाले‎ होते. मात्र, स्टॅबिलायझरअभावी हा‎ प्रकल्प सध्या बंद आहे. प्रशासनाने‎ दखल घेणे गरजेचे आहे.‎
दीड लाख रुपये किंमत‎
ऑक्सिजन प्रकल्पाला सुरळीत‎ वीजपुरवठा व्हावा, यासाठी‎ स्टॅबिलायझरची गरज असते.‎ त्याची किंमत दीड ते दोन लाख‎ रुपये आहे. मात्र, प्रशासनातर्फे‎ स्टॅबिलायझर खरेदी केली जात‎ नसल्याने ऑक्सिजन प्रकल्प‎ बंदच आहे. त्यामुळे उपाययोजना‎ आवश्यक आहे.‎

बातम्या आणखी आहेत...