आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शेतकऱ्यांना मिळणार फायदा‎:एरंडोल, पारोळा अन् भडगावमधील‎ गावांचा पोकरा त होणार समावेश‎

एरंडोल‎24 दिवसांपूर्वी
  • कॉपी लिंक

नानाजी देशमुख कृषी संजीवनी‎ योजनेत (पोकरा) टप्पा क्रमांक‎ दोनमध्ये एरंडोल, पारोळा आणि‎ भडगाव तालुक्यातील उर्वरित‎ गावांचा समावेश करण्यात येणार‎ आहे, अशी माहिती आमदार‎ चिमणराव पाटील यांनी दिली.‎ नागपूर येथील हिवाळी‎ अधिवेशनात आमदार पाटील यांनी‎ प्रश्न उपस्थित केला होता. त्यानुसार‎ मुख्यमंत्र्यांनी पोकरा टप्पा क्रमांक‎ दोनला मंजुरी दिली. मराठवाडा,‎ विदर्भासह जळगाव जिल्ह्यातील‎ उर्वरित गावांचा या योजनेत समावेश‎ करण्यात येणार आहे. या‎ योजनेसाठी सहा हजार कोटी‎ रुपयांचा निधी उपलब्ध होणार आहे.‎

या योजनेच्या माध्यमातून‎ शेतकऱ्यांना मोठा लाभ होतो.‎ योजनेत ठिबकसाठी अनुदान‎ मिळते. टप्पा क्रमांक एकमधील‎ अनेक लाभार्थ्यांना अद्यापपर्यंत हे‎ अनुदान मिळालेले नाही. त्यामुळे‎ अनुदान त्वरित देण्यात यावे अशी‎ मागणी आमदार पाटील यांनी केली.‎

योजनेत जिल्ह्यातील सुमारे ८००‎ गावांचा समावेश करून,‎ दुष्काळग्रस्त शेतकऱ्यांना दिलासा‎ द्यावा अशी मागणी त्यांनी केली.‎ एरंडोल व पारोळा हे दोन्ही तालुके‎ अवर्षण प्रवण आहेत. जिल्ह्यातील‎ उर्वरित ५ हजार २२० गावांचाही या‎ योजनेत समावेश करण्यात आला‎ असल्याचे मुख्यमंत्र्यांनी जाहीर‎ केले. या योजनेबाबत जागतिक‎ बँकेच्या अधिकाऱ्यांसोबत बैठक‎ होऊन चर्चा करण्यात आली.‎

बातम्या आणखी आहेत...