निकाल ‎पाहा:शिष्यवृत्ती परीक्षांचा निकाल जाहीर,‎ गुणपडताळणीसाठी 17 पर्यंत मुदत‎

महाराष्ट्र राज्य परीक्षा परिषदेमार्फत‎ ३१ जुलै २०२२ रोजी घेण्यात‎ आलेल्या पूर्व उच्च प्राथमिक‎ शिष्यवृत्ती परीक्षा इयत्ता पाचवी,‎ शासकीय विद्यानिकेतन प्रवेश‎ परीक्षा, आदिवासी विद्यानिकेतन‎ प्रवेश परीक्षा, विमुक्त जाती व‎ भटक्या जमाती विद्यानिकेतन प्रवेश‎ परीक्षा आणि पूर्व माध्यमिक‎ शिष्यवृत्ती परीक्षा इयत्ता आठवीचा‎ अंतरिम (तात्पुरता) निकाल‎ नुकताच जाहीर झाला.‎ गुणपडताळणीसाठी १७‎ नाेव्हेंबरपर्यंत मुदत देण्यात आली‎ आहे.‎ निकाल

www.mscepune.in‎ व https://www.mscepupp‎ ss.in या परिषदेच्या संकेतस्थळावर‎ घोषित करण्यात आला अाहे.‎ शाळांना आपल्या विद्यार्थ्यांचा‎ निकाल त्यांच्या लॉगीनमधून तसेच‎ पालकांना आपल्या पाल्यांचा‎ निकाल संकेतस्थळावर पाहता‎ येईल. गुणपडताळणीसाठी संबंधित‎ शाळांच्या लॉगीनमध्ये १७‎ नोव्हेंबरपर्यंत ऑनलाइन अर्ज‎ उपलब्ध करुन देण्यात आला आहे.‎ गुण पडताळणीसाठी प्रत्येक‎ पेपरकरीता ५० याप्रमाणे शुल्काची‎ रक्कम आकारली जाणार आहे.‎ विद्यार्थ्यांचे नाव, आडनाव,‎ वडिलांचे नाव, आईचे नाव, शहरी,‎ ग्रामीण, अभ्यासक्रम इत्यादींमध्ये‎ दुरुस्तीसाठी १७ पर्यंत मुदत राहील.‎ गुणपडताळणीचा निकाल अर्ज प्राप्त‎ झाल्यानंतर ३० दिवसांच्या आत‎ कळवला जाईल. यानंतर अंतिम‎ गुणवत्ता यादी प्रसिद्ध केली जाणार‎ असल्याची माहिती सहाय्यक राज्य‎ परीक्षा परिषदेचे आयुक्तांनी पत्राद्वारे‎ दिली अाहे. दरम्यान्, वरील परीक्षा‎ दिलेल्यांना संकेतस्थळावर निकाल‎ पाहता येणार आहे.‎