उत्सव:चोपड्यात रोटरीच्या पर्यावरणपूरक‎ ई-बाइक रॅलीने वेधले सर्वांचे लक्ष‎

आज जगात पर्यावरणाविषयी चिंता‎ व्यक्त केली जात आहे. या संदर्भात‎ जागतिक स्तरावर सुरू असलेल्या‎ या प्रयत्नांमध्ये आपली जबाबदारी‎ ओळखून चोपडा येथील रोटरी‎ क्लबने ई-बाइक रॅलीचे आयोजन‎ करून समाजात जनजागृती केली.‎ चोपडा रोटरी क्लबतर्फे‎ आयोजित रोटरी उत्सवाच्या‎ प्रचारासाठी पर्यावरणपूरक‎ इलेक्ट्रॉनिक बाइक रॅलीचे आयोजन‎ करण्यात केले. या रॅलीसाठी‎ जळगाव येथील सीका कंपनीच्या‎ पुढाकाराने इलेक्ट्रॉनिक बाइक‎ उपलब्ध करून देण्यात आल्या‎ हाेत्या. धरणगाव रस्त्यावरील आनंद‎ सुपर शॉपी येथून सुरु झालेली‎ ई-बाईक रॅली धनवाडी फाटा,‎ पंकज नगर, बस स्थानक, ग्रामीण‎ पोलिस ठाणे, थाळनेर दरवाजा,‎ चिंच चौक, गोल मंदिर, चावडी,‎ डॉ. बाबासाहेब आंबेडकर चौक,‎ छत्रपती शिवाजी महाराज चौक या‎ मार्गे पुन्हा आनंद सुपर शॉपी येथे‎ आल्यानंतर समारोप करण्यात‎ आला.

कस्तुरबा विद्यालयातील एन.‎ आर. पाटील यांच्या मार्गदर्शनात‎ विद्यार्थिनींचे लेझीम पथक रॅलीत‎ सहभागी झाले होते. या रॅलीत‎ रोटरीचे अध्यक्ष ॲड. रुपेश पाटील,‎ प्रकल्प प्रमुख चेतन टाटिया, उप‎ प्रकल्प प्रमुख चंद्रशेखर साखरे,‎ तेजस जैन, पृथ्वीराज राजपूत,‎ अर्पित अग्रवाल, खजिनदार पवन‎‎‎‎‎‎‎‎‎‎‎‎ गुजराथी, उप प्रांतपाल नितीन‎ अहिरराव, सीका बाइकचे संचालक‎ राजू पाटील, कस्तुरबा शाळेतील‎ विद्यार्थिनी, शिक्षक एन. आर.‎ पाटील तसेच रोटरी व सीका‎ बाइकचे सर्व पदाधिकाऱ्यांनी‎ सहभाग घेतला हाेता.‎