600 मतदार‎:माध्यमिक शिक्षक, कर्मचारी‎ पतपेढीत रंगणार तिरंगी लढत‎

माध्यमिक शिक्षक, शिक्षकेतर‎ कर्मचाऱ्यांच्या पतपेढीसाठी रविवारी‎ मतदान होत आहे. या पतपेढीच्या‎ निवडणुकीसाठी जामनेर तालुक्यातून‎ तिरंगी लढतीचे चित्र आहे.‎ तालुक्यातील एकूण ६०० मतदार‎ मतदानाद्वारे आपला सदस्य पतपेढीत‎ पाठवणार आहेत.‎ शिक्षणाची पंढरी म्हणून संबोधल्या‎ जाणाऱ्या जामनेर तालुक्यात जामनेर‎ तालुका एज्युकेशन सोसायटी व‎ शेंदुर्णी एज्युकेशन सोसायटीच्या‎ मोठ्या शाखा आहेत.

सहाजिकच‎ सर्वाधिक मतदार याच संस्थांचे‎ आहेत. त्यामुळे जामनेर तालुका‎‎‎‎‎‎‎‎ एज्युकेशन सोसायटीच्या फत्तेपूर‎ येथील न्यू इंग्लिश स्कूलमध्ये शिक्षक‎ असलेले दिनेश पाटील तर शेंदुर्णी‎ एज्युकेशन सोसायटीच्या शेंदुर्णी‎ शाखेतील आबा पाटील हे निवडणूक‎ रिंगणात उतरले आहेत. त्याचबरोबर‎ जामनेर एज्युकेशन सोसायटीच्या‎ मालदाभाडी शाखेतील विजय‎ सैतवाल हे अपक्ष म्हणून निवडणूक‎ लढवत आहेत. सैतवाल यांच्या‎‎‎‎‎‎‎‎ उमेदवारीमुळे तालुक्यात तिरंगी‎ लढतीचे चित्र दिसत आहे. या‎ निवडणुकीत एकूण ६३१ मतदार‎ मतदानाची भूमिका बजावून आपला‎ सदस्य माध्यमिक शिक्षक, शिक्षकेतर‎ कर्मचाऱ्यांच्या पतपेढीत पाठवणार‎ आहेत. पतपेढीच्या या निवडणुकीचा‎ प्रचार अंतिम टप्प्यात पोहोचला असून‎ यासाठी रविवारी मतदान घेण्यात‎ येणार आहे.‎

असे आहे बलाबल‎ तालुक्यात जामनेर तालुका एज्युकेशन सोसायटीच्या जामनेरसह फत्तेपूर,‎ मालदाभाडी अशा तीन शाखा आहेत. या तीनही शाखांमध्ये मिळून एकूण ११६‎ तर शेंदुर्णी एज्युकेशन सोसायटीच्या शाखांमध्ये १९४ शिक्षक, शिक्षकेतर‎ कर्मचारी कार्यरत आहेत. यासह तालुक्यातील एकूण ३३ शाळांमधील ६३१‎ शिक्षक, शिक्षकेतर कर्मचारी या निवडणुकीत मतदानाचा हक्क बजावतील.‎