गुन्हा दाखल:खूनप्रकरणी संशयितास‎ शिंदखेड्यातून अटक‎

मांडळ येथे वाळूची अवैद्यरित्या‎ चोरटी वाहतूक करण्यास विरोध‎ करणाऱ्या ३५‎वर्षीय तरुण‎ शेतकऱ्याचा‎ सात जणांचा‎ जमावाने ‎ट्रॅक्टरखाली‎चेंगरून व‎गुप्तांगावर‎ फावड्याने वार करून खून‎ केल्याप्रकरणी मारवड पोलिस‎ ठाण्यात गुन्हा दाखल होता. दोन‎ महिने उटले तरी या प्रकरणात मुख्य‎ संशयित फरार हाेता. त्याला मारवड‎ पाेलिसांनी ५ राेजी अटक केली.‎ वाळू वाहतुकीस जयवंत यशवंत‎ कोळी (वय ३५) या तरुण‎ शेतकऱ्याने विरोध केला म्हणून सात‎ जणांनी ट्रॅक्टर खाली चेंगरून व‎ पावडीने गुप्तांगावर वार करुन‎ त्याचा निर्घृण खून केल्याची घटना‎ १६ जानेवारी रोजी रात्री घडली‎ हाेती.

यातील मुख्य संशयित‎ अशोक लखा कोळी (वय ५२)‎ घटनेनंतर फरार झाला होता. ताे‎ सूरत येथे पळून गेला होता.‎ एलसीबीचे पोलिस निरीक्षक किसन‎ नजन पाटील यांच्या माहितीवरून‎ तसेच वरिष्ठ अधिकाऱ्यांच्या‎ मार्गदर्शनात संशयित शिंदखेडा येथे‎ येत असल्याचे समजले.

त्यानुसार‎ डीवायएसपी राकेश जाधव यांच्या‎ मार्गदर्शनात सहाय्यक पोलिस‎ निरीक्षक जयेश खलाने, पीएसआय‎ विनोद पाटील यांनी हवालदार संजय‎ पाटील, सुनील आगोने, पोलिस‎ नाईक सुनील तेली, अनिल राठोड,‎ उज्ज्वल पाटील, तुषार वाघ, दिनेश‎ पाटील यांच्या पथकासह ५ राेजी‎ शिंदखेड्या बाहेर त्यास अटक‎ केली. त्यानंतर त्यास मारवड‎ पोलिस ठाण्यात आणले. या‎ प्रकरणात यापूर्वीच ६ संशयितांना‎ मारवड पोलिसांनी अटक केली‎ आहे.‎