महाअधिवेशनाची‎ सुरुवात:लोहारीत बडगुजर समाजाच्या‎ अधिवेशनाला झाला प्रारंभ‎

‎तालुक्यातील लोहारी बुद्रुक येथे‎ बडगुजर समाज, चामुंडा माता,‎ अखिल भारतीय बडगुजर‎ समाजाच्या महाअधिवेशनाची‎ सुरुवात धर्माचार्य महंत वाचस्पती‎ महामंडलेश्वर योगिराज दयानंद‎ महाराज शेलगावकर. गजानन‎ जोशी यांच्या हस्ते शनिवारी ग्रंथ‎ पूजन व नगरप्रदक्षिणेने झाली.‎

ग्रंथ दिंडी व नगर-प्रदक्षिणेत‎ मोठ्या संख्येने महिला, युवक,‎ युवती व समाजबांधव सहभागी‎ झाले होते. महंत दयानंद महाराज‎ यांचे स्वागत अधिवेशनाचे अध्यक्ष‎ तथा अखिल भारतीय बडगुजर‎ समाज महा-समितीचे माजी अध्यक्ष‎ उमेश करोडपती यांनी केले. दीप‎ प्रज्वलन मुंबई येथील उत्कर्ष‎ मंडळाचे अध्यक्ष बापू बडगुजर तर‎ प्रतिमा पूजन नाशिक येथील उद्धव‎ बाळासाहेब ठाकरे गटाचे शहराध्यक्ष‎ सुधाकर बडगुजर यांच्या हस्ते‎ करण्यात आले.

(बऱ्हाणपूर), मनोहर बडगुजर‎ (धुळे), राजाराम बडगुजर‎ (अमळनेर), अशोक बडगुजर‎ (धुळे), एस. एम. बडगुजर‎ (डोंबिवली) आदी उपस्थित‎ होते. लोहारी बुद्रुक येथे‎ महा-अधिवेशनाच्या पहिल्या‎ दिवशी समाजातील शेतकरी,‎ दुर्लक्षित विवाह समस्या, महिला‎ संघटन व सक्षमीकरण,‎ समाजातील घटस्फोटाची‎ विदारक समस्या, सुशिक्षित‎ बेरोजगार युवक, युवतींना‎ रोजगाराकडे वळवणे, तर‎ दुपारच्या सत्रात शैक्षणिक‎ प्रगती, योग्य मार्गदर्शन काळाची‎ गरज, तालुका स्तरावर वैद्यकीय‎ प्रतिनिधी नेमणे, ओबीसी आरक्षण विकासाची गुरुकिल्ली या विषयांवर मार्गदर्शन‎ करण्यात आले. महा-अधिवेशनास स्थानिक पदाधिकारी चिंधा बडगुजर,‎ श्रावण बडगुजर, दिनकर बडगुजर, हिरामण बडगुजर, लालचंद बडगुजर,‎ भास्कर बडगुजर, युवराज बडगुजर, रवींद्र बडगुजर, कडूबा बडगुजर, बापू‎ बडगुजर यांनी सहकार्य केले.‎‎

आज मुख्यमंत्र्यांची राहणार उपस्थिती‎
रविवारी हाेणाऱ्या कार्यक्रमाच्या अध्यक्षस्थानी मुख्यमंत्री एकनाथ‎ शिंदे उपस्थित राहणार आहेत. या कार्यक्रमाचे उद्घाटन भाजपचे‎ गुजरात येथील प्रदेशाध्यक्ष तथा खासदार आर. सी. पाटील, उमेश‎ करोडपती, आनंदा सूर्यवंशी, अहमदाबाद येथील उद्योजक कैलास‎ बडगूजर हे करतील. सभामंडपाचे भूमिपूजन आमदार किशोर पाटील,‎ स्मरणिकेचे प्रकाशन ग्रामविकास मंत्री गिरीश महाजन, गो शाळेचे‎ उद्घाटन पालकमंत्री गुलाबराव पाटील यांच्या हस्ते हाेईल.‎