निर्णयाचे सर्वत्र स्वागत‎:पोलिसांच्या सूचनेनंतर हलवला छत्रपती शिवरायांचा पुतळा‎

पिंपळगाव चौखांबे येथील ग्रामस्थांनी‎ छत्रपती शिवाजी महाराजांच्या पुतळ्याची‎ अनधिकृतपणे स्थापना केली होती. पोलिस‎ निरीक्षक प्रताप इंगळे यांच्या सूचनेनंतर‎ ग्रामस्थांनी छत्रपती शिवरायांचा पुतळा‎ हलवण्याचा शुक्रवारी निर्णय घेतला.‎ त्यानंतर हा पुतळा हलवण्यात आला.‎ फत्तेपूर ग्रुप ग्रामपंचायत अंतर्गत येणाऱ्या‎ पिंपळगाव चौखांबे येथील वाढीव वस्ती‎ परिसरात ग्रामस्थांनी प्रशासनाची परवानगी न‎ घेता छत्रपती शिवाजी महाराज यांच्या‎ पुतळ्याची स्थापना केली होती. फत्तेपूर ते‎ धामणगाव या मुख्य रस्त्यालगतच असलेला‎ हा छत्रपती शिवरायांचा पुतळा तत्काळ‎ काढून घ्यावा, अशा सूचना पहूर पोलिस‎ ठाण्याचे पोलिस निरीक्षक प्रताप इंगळे यांनी‎ फत्तेपूर आऊट पोस्टला घेतलेल्या बैठकीत‎ केल्या होत्या.

दरम्यान, वाद विकोपाला जाऊ‎ नयेत म्हणून ग्रामविकास तथा वैद्यकीय‎ शिक्षण मंत्री गिरीश महाजन, भाजपचे नेते‎ जे. के. चव्हाण यांनी ग्रामस्थांची समजूत‎ घालून शासनाची परवानगी घेऊन पुतळा‎ स्थापन करावा, अशा सूचना केल्या.‎ ग्रामस्थांनी पोलिस निरीक्षक त्याचप्रमाणे‎ पदाधिकाऱ्यांच्या सूचना मान्य करून हा‎ पुतळा हलवून अन्यत्र स्थापन करण्याचा‎ शुक्रवारी सायंकाळी निर्णय घेतला. त्यानंतर‎ पाेलिसांच्या सूचनेनुसार हा पुतळा‎ हलवण्यात आला. त्यामुळे ग्रामस्थ व‎ प्रशासनातील संघर्ष टळला आहे. या‎ निर्णयाचे सर्वत्र स्वागत हाेत आहे.‎