आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

गुन्हेवृत्त:मुंदखेड्यातील 4 लाखांच्या चोरीप्रकरणी दोघांना‎ अटक; सव्वा दोन लाखांचा मुद्देमाल हस्तगत‎

चाळीसगाव2 महिन्यांपूर्वीलेखक: प्रतिनिधी
  • कॉपी लिंक

तालुक्यातील मुंदखेडे येथील बंद ‎घरातून सोन्या चांदीच्या‎ दागिन्यांसह रोकड असा सुमारे ३‎ लाख ८७ हजार रुपयांचा ऐवज‎ चोरीस गेला होता. १५ जानेवारी‎ रोजी ही घटना उघडकीस आली‎ होती. चाळीसगाव ग्रामीण‎ पोलिसांनी शिताफीने तपास करून‎ या गुन्ह्याचा उलगडा केला असून या प्रकरणी एका महिलेसह दोघांना‎ अटक केली. त्यांच्याकडून २ लाख‎ २० हजार रुपयांचा मुद्देमाल जप्त करण्यात आला.‎ मुंदखेडे येथील शेतकरी रामदास‎ बना पाटील यांनी कापूस विक्रीनंतर‎ ३ लाख ९ हजार ७०० रुपये इतकी‎ रक्कम आली. ती रक्कम व‎ आणखी ४० हजारांची रोकड तसेच‎ ३८ हजार रुपये किमतीचे‎ सोन्या-चांदीचे दागिने असा सगळा‎ ऐवज घराच्या वरच्या मजल्यावर‎ असलेल्या खोलीत लोखंडी‎ कपाटात ठेवलेला होता. पाटील हे‎ कुटुंबासह १४ जानेवारी रोजी‎ सकाळी ९ वाजेच्या सुमारास घराला‎ कुलूप लावून नातेवा इकाकडे‎ उत्तरकार्य विधीसाठी गेले होते.‎ दुसऱ्या दिवशी ते घरी परतले असता‎ चाेरी झाल्याचे उघडकीस आले.‎

चोरट्यांनी कपाटातून ३ लाख ४९‎ हजाराची रोकड व ३८ हजार रुपये‎ किमतीचे दागिने असा ३ लाख ८७‎ हजार रुपयांचा ऐवज चोरून नेला.‎ याप्रकरणी पाटील यांच्या‎ तक्रारीवरून चाळीसगाव ग्रामीण‎ पोलिस स्टेशनला अज्ञात‎ चोरट्यांच्या विरोधात गुन्हा दाखल‎ केला होता. या गुन्ह्यात आरोपीचा‎ काहीएक माग नसताना पोलिस‎ निरीक्षक संजय ठेंगे यांच्या मार्गदर‎ शनाखाली पीएसआय लोकेश‎ पवार, एएसआय राजेंद्र साळुंखे,‎ हवालदार नितीन सोनवणे आदींच्या‎ पथकाने गोपनीय सूत्र वापरले.‎ मुंदखेडेत गतवर्षी चोरीचा प्रकार‎ घडला होता. त्यातील कानातील‎ दागिने एका लग्नात महिलेच्या‎ कानात दिसला. हे दागिने कुठे घेतले‎ याची विचारपूस केली असता ते‎ चोरीचे असल्याचे उघड झाले.‎

बातम्या आणखी आहेत...