निवडणुक:उखळवाडी विविध कार्यकारी सोसायटीचे 11 उमेदवार बिनविरोध; निवडणुकीत ग्रामविकास पॅनल

तालुक्यातील उखळवाडी विविध कार्यकारी सोसायटीच्या पंचवार्षिक निवडणुकीत ग्रामविकास पॅनलच्या ११ उमेदवारांची बिनविरोध निवड झाली आहे. उखळवाडी विविध कार्यकारी सोसायटीच्या पंचवार्षिक निवडणुकीत बिनविरोध निवड झालेले कर्जदार प्रतिनिधी असे.- पंढरीनाथ गिरधर पाटील, अरुण पुंडलिक पाटील, सुकलाल धुडकु पाटील, मुरलीधर नामदेव पाटील, प्रभाकर संतोष पाटील, बापूराव रावण पाटील, भाईदास मन्साराम पाटील, मालुबाई सुरेश पाटील. महिला प्रतिनिधी- भिकुबाई नामदेव पाटील, सुशीलाबाई जगन्नाथ पाटील तर इतर मागासवर्गीय प्रतिनिधी- कीर्तिकुमार पंढरीनाथ पाटील तसेच अनुसूचित जाती जमाती व बिगर मागास प्रवर्गात अर्ज न आल्याने सदर जागा रिक्त राहिली आहे.

सोसायटीच्या पंचवार्षिक निवडणुकीसाठी सरपंच, ग्रामपंचायत सदस्य ग्रामस्थ व माजी संचालक मंडळ उपस्थित होते. निवडणूक निर्णय अधिकारी म्हणून व्ही.बी. पवार यांनी कामकाज पाहिले व गावाची बिनविरोध परंपरा कायम ठेवण्यात आली. यानंतर काही दिवसातच चेअरमन, व्हाइस चेअरमनची निवड होणार असल्याचे नवनिर्वाचित प्रतिनिधी पंढरीनाथ पाटील यांनी सांगितले.