एकात्मतेचे प्रतीक:चाळीसगाव शहरात आजपासून‎ बामोशी बाबांच्या उर्सला प्रारंभ‎

सर्वधर्मीयांच्या एकात्मतेचे प्रतिक‎ असलेल्या येथील पीर मुसा कादरी उर्फ‎ बामोशी बाबांच्या उर्सला रविवारपासून‎ सुरूवात होत आहे. यानिमित्त पीर मुसा‎ कादरी यांच्या दर्ग्यावर राेषनाई तसेच‎ फुलांची सजावट करण्यात आली आहे.‎ आठवडाभर सुरू राहणाऱ्या या‎ उर्समध्ये मोठ्या प्रमाणावर होणारी‎ भाविकांची गर्दी लक्षात घेता कायदा व‎ सुव्यवस्था तसेच सुरक्षिततेच्या‎ दृष्टीकोनातून खबरदारीच्या उपाययोजना‎ चाळीसगाव शहर पोलिस ठाणे, नगर‎ पालिका व दर्गा ट्रस्ट कमिटीतर्फे करण्यात‎ आल्या आहेत.

उर्स शांततेत पार‎ पडण्यासाठी शहर पोलिस ठाण्यात‎ शुक्रवारी रात्री शांतता व मोहल्ला समिती,‎ पोलिस मित्र सदस्यांची बैठकही घेण्यात‎ अाली. सर्व-धर्मीयांचे प्रतिक असलेल्या‎ बामोशी बाबा यांचा उर्स ५ फेब्रुवारीपासून‎ सुरू होत आहे. बामोशी बाबांच्या उर्साचे‎ यंदाचे ७३३वे वर्षे आहे. रविवारी बाबांच्या‎ समाधी स्नानाने उर्सला सुरूवात होईल.‎ त्यानंतर दुसऱ्या दिवशी संदल व ७ रोजी‎

पूज्य तलवार मिरवणूक आहे. या‎ पार्श्वभूमीवर उर्समध्ये झुले, पाळणे‎ येथे महिला पोलिसांची नियुक्ती‎ करणे, वाहतूक व्यवस्था सुरळीत‎ ठेवणे, वीजपुरवठा खंडीत होणार‎ नाही याच्या दक्षतेबरोबरच‎ भाविकांसाठी सोई, सुविधा‎ पुरवण्याची मागणी शांतता‎ समितीच्या बैठकीत करण्यात आली.

लाखोंची हाेणार उलाढाल‎ राज्यभर प्रसिद्ध असलेल्या बामोशी बाबांच्या‎ उरसात संसारोपयोगी साहित्यासह पूजेचे‎ साहित्य, खाद्य पदार्थ, खेळणी, पाळणे,‎ करमणूकची साधने व इतर अनेक वस्तूंची‎ दुकाने थाटली जातात. उर्समध्ये मुंबई, धुळे,‎ अाैरंगाबाद, नाशिक, कन्नडसह शेजारच्या‎ भागातून व्यावसायिक येत असतात. यातून‎ लाखाेंची उलाढाल हाेत असते.‎

यांची हाेती उपस्थिती‎ या बैठकीस उपविभागीय अधिकारी‎ लक्ष्मीकांत साताळकर, पालिकेचे‎ मुख्याधिकारी प्रशांत ठोंबरे, जिल्हा बँकेचे‎ संचालक प्रदीप देशमुख, पाेनि के. के.‎ पाटील, वाहतूक शाखेचे सपाेनि तुषार देवरे‎ यांच्यासह इतर पदाधिकारी उपस्थित होते.‎ उर्सच्या अनुषंगाने विविध उपाययोजनांबाबत‎ आढावा घेण्यात अाला. उर्स शांततेत पार‎ पाडण्याबाबत आवाहन करण्यात आले.‎