ग्रामपंचायत पद:विवरे-भवरखेडा ग्रुप‎ ग्रा.पं. शिंदे गटाकडे‎

धरणगाव‎ तालुक्यातील विवरे-भवरखेडे ग्रुप‎ ग्रामपंचायतीच्या सरपंचपदी शोभा‎ प्रकाश माळी यांची निवड झाली.‎ तर ग्रामपंचायत सदस्यपदी सुनिता‎ उगलाल पाटील, रूपाली किरण‎ पाटील, रेखाबाई विजय सूर्यवंशी,‎ भारतीबाई राजू भिल, शोभाबाई‎ दिलीप माळी, धनराज योगराज‎ माळी, देविदास महादू पवार, अजय‎ तानकु बाम्हणे यांची निवड झाली.‎ ग्रामपंचायतीवर शिंदे गटाने दावा‎ केला आहे.‎ पाणीपुरवठा व स्वछता मंत्री तथा‎ पालकमंत्री गुलाबराव पाटील यांनी‎ नवनियुक्त पदाधिकाऱ्यांचे स्वागत‎ केले. या गावाजवळी नाल्याला पूर‎ आल्यास पावसाळ्यात संपर्क तुटत‎ होता.

यामुळे मागील काळात मंत्री‎ पाटील यांच्या पाठपुराव्यामुळे‎ पुलाचे बांधकाम झाले. यामुळे‎ ग्रामस्थांचा प्रवास सुखकर झाला‎ आहे. त्याचेच फलित म्हणून या‎ ग्रामपंचायतवर शिंदे गटाची‎ एकहाती सत्ता आली असे प्रतिपादन‎ माजी सरपंच उगलाल पाटील यांनी‎ केले. निवडणूक प्रक्रियेनंतर विजयी‎ उमेदवारांची भव्य मिरवणूक‎ काढण्यात आली. यावेळी भगवान‎ महाजन, माजी सरपंच किरण‎ पाटील, ग्रामपंचायत सदस्य‎ उगलाल पाटील, प्रशांत पाटील,‎ सोपान पाटील, शशिकांत महाराज,‎ संजय भामरे, विवरे येथील भैया‎ माळी, दिलीप माळी, मोतीलाल‎ पाटील, शशिकांत माळी,‎ आबासाहेब पाटील उपस्थित होते.‎