कारवाईचा बडगा:67 थकबाकीदारांचा पाणीपुरवठा खंडित;‎ चार गाळेही सील, 32 टक्के करवसुली‎

‎आर्थिक वर्ष संपण्यासाठी माेजके‎ दिवस शिल्लक राहिल्याने कर‎ वसुलीसाठी चाळीसगाव‎ नगरपालिकेने अॅक्शन मोडवर येत‎ धडक मोहीम हाती घेतली आहे.‎ गेल्या दाेन दिवसांत पालिकेच्या‎ पथकाने कर थकबाकीदारांवर‎ कारवाईचा बडगा उगारला असून‎ ६७ थकबाकीदारांचा पाणीपुरवठा‎ खंडित करत ४ गाळेही सील केले.‎ पालिकेची मार्च अखेर अवघी ३२‎ टक्के कर वसुली झाली असून कर‎ वसुलीचे उद्दिष्ट गाठण्यासाठी येत्या‎ काळात कर वसुलीसाठी धडक‎ माेहीम राबवली जाणार आहे.‎

नागरिकांनी आपल्याकडील कर‎ भरून सहकार्य करण्याचे आवाहन‎ मुख्याधिकारी प्रशांत ठाेंबरे यांनी‎ केले आहे.‎ शहरात जवळपास २२ हजार ४००‎ मालमत्ताधारक असून एकूण १७‎ हजार ५०० नळ कनेक्शन देण्यात‎ आले आहेत. पालिकेची गेल्यावर्षी‎ जवळपास ६७ टक्केच करवसुली‎ झाली होती.

तर यंदा ८५ टक्के कर‎ वसुलीचे उद्दिष्ट पालिका‎ प्रशासनानेठेवले आहे. घर-पाणी‎ पट्टी मिळून ४.७० काेटींची वसुली‎ यंदा नगरपालिकेला घरपट्टीसाठी‎ ९.५० कोटींचे उद्दिष्ट असून‎ मंगळवारपर्यंत त्यातील ३ काेटी‎ वसूल झाले आाहेत. तर पाणीपट्टी‎ वसुलीचे ४ कोटी ५० लाखांच्या‎ उद्दिष्टापैकी १ काेटी ७० लाख रुपये‎ वसूल झाले आहेत.

एकूण ४ काेटी‎ ७० लाख रुपये वसूल करण्यात‎ आले. आतापर्यंत एकूण ३२ टक्के‎ कर वसुली झाल्याची माहिती कर‎ निरीक्षक राहुल साळुंखे यांनी दिली.‎ पथकातील दिनेश जाधव, कृणाल‎ कोष्टी, कुणाल महाले, जितेंद्र‎ जाधव, प्रेमसिंग राजपूत, अशोक‎ देशमुख, सुमित सोनावणे, प्रशांत‎ सोनावणे, किशोर देशमुख‎ यांच्यासह कर्मचारी धडक कारवाई‎ करत आहेत. दरम्यान नागरिकांनी‎ थकीत कराचा भरून कटू कारवाई‎ टाळण्याचे आवाहन केले.‎

थकबाकीदारांवर कारवाईसाठी‎ चाळीसगाव येथे तीन पथके नियुक्त‎
यंदा जास्तीत जास्त कर वसुलीसाठी पालिकेने कंबर‎ कसली आहे. नगरपालिकेच्या वतीने शहरातील‎ थकीत मालमत्ताधारकांना वारंवार तोंडी लेखी‎ सूचना देऊनही बऱ्याच मालमत्ताधारकांनी थकीत‎ रकमेचा भरणा केला नाही. परिणामी थकबाकीचा‎ बोजा दिवसागणिक वाढत चालला आहे. जे नळ‎ कनेक्शन धारक पालिकेच्या वतीने वारंवार नोटीस‎ देऊन सुद्धा कर भरण्यास तयार नाहीत त्यांचे नळ‎ कनेक्शन बंद तसेच गाळे सील करण्याचा सपाटा‎ पालिकेने लावला आहे. यासाठी मुख्याधिकारी‎ प्रशांत ठाेंबरे व कर निरीक्षक राहुल साळुंखे यांच्या‎ मार्गदर्शनाखाली तीन पथके नियुक्त केली आहेत.‎

थकीत कराच भरणा‎ करून सहकार्य करावे
शहरातील विकास कामे सुरळीत सुरू राहण्याच्या दृष्टीने नगर परिषदेची कर‎ वसुली आवश्यक आहे. त्यामुळे थकीत कराचा लवकरात लवकर भरणा‎ करून नगर परिषदेला सहकार्य करावे. -प्रशांत ठोंबरे, मुख्याधिकारी‎

मालमत्तेवर बाेजा बसवून‎ जप्तीचा इशारा‎
पहिल्या टप्प्यात पालिकेने, गेल्या‎ दाेन वर्षांपासून थकबाकीदार‎ असलेल्या ३०० मालमत्ताधारकांना‎ नाेटिसा बजावल्या हाेत्या. तर ४०‎ जणांचा पाणीपुरवठा देखील खंडित‎ करण्यासह थकबाकीदारांच्या‎ मालमत्तेवर बोजा बसवून जप्तीची‎ कारवाई करण्यात येणार असल्याचा‎ इशाराही पालिकेने दिला आहे.‎ त्यानुसार आतापर्यंत ६७‎ थकबाकीदार मालमत्ताधारकांचा‎ पाणीपुरवठा खंडीत केला आहे. तर‎ गेल्या दाेन दिवसांत न.पा. पथकाने‎ चार गाळे सील केल्याची माहिती‎ मुख्याधिकारी प्रशांत ठाेंबरेंनी दिली.‎