मार्गदर्शन:महिलांमध्ये क्षमता अफाट, तरी‎ त्यांच्यावर निर्बंधच : प्रा.डॉ. वाघ‎

महिलांमध्ये आकाशाला गवसणी‎ घालण्याची क्षमता असते. ध्येय,‎ सहनशीलता व पराक्रमाची‎ शिकवण महिला आपल्या कार्यातून‎ देतात. एवढे असूनही प्रत्येक‎ यशस्वी पुरुषाच्या पाठिमागे एक‎ महिला असते अशी एका ओळीची‎ झालर लावण्याचे काम इतिहासात‎ करण्यात आले आहे. महिलांमध्ये‎ क्षमता असूनही त्यांच्यावर अनेक‎ निर्बंध आहेत, असे प्रतिपादन प्रा.डॉ.‎ नंदिनी वाघ यांनी केले.‎ पंकज कला व विज्ञान‎ महाविद्यालयात, महिला तक्रार‎ निवारण समिती व राष्ट्रीय सेवा‎ योजना विभागाच्या संयुक्त‎ विद्यमाने, जागतिक महिला‎ दिनानिमित्त आयोजित कार्यक्रमात‎ त्या बोलत होत्या. कार्यक्रमाची‎ सुरुवात सावित्रीबाई फुले यांच्या‎ प्रतिमेचे पूजन करून झाली. प्रमुख‎ मार्गदर्शक प्रा. दिलीप गिऱ्हे होते.‎ विचार मांडताना ते म्हणाले की,‎‎‎‎‎‎‎‎‎‎‎‎‎‎‎‎ बालपणी पित्याच्या वर्चस्वाखाली,‎ तारुण्यात पतीच्या वर्चस्वाखाली तर‎ वृद्धावस्थेत पुत्राच्या वर्चस्वाखाली‎ जीवन जगणारी स्त्री इतिहासात‎ दिसते.

राजकारणामध्ये‎ पदनामासाठी विराजमान केलेली‎ खुर्चीवरची स्त्री, ही रबरी शिक्का‎ म्हणून वावरत असते. मात्र प्रत्यक्षात‎ तिचा पती व पुत्र राजकारण‎ चालवत असतो, असे मत त्यांनी‎‎‎‎‎‎‎‎‎‎‎‎‎‎‎‎ व्यक्त केले. आधुनिक युगात‎ महिला शक्ती उद्योग, खेळ,‎ संशोधन, साहित्य व नेतृत्वामध्ये‎ अग्रेसर असल्याचे ते म्हणाले.‎ सूत्रसंचालन व प्रास्ताविक राष्ट्रीय‎ सेवा योजना विभाग प्रमुख प्रा. डॉ.‎ संजय पाटील यांनी केले. तर प्रा. डॉ.‎ अरुण मोरे यांनी आभार व्यक्त‎ केले. कार्यक्रमाच्या यशस्वीतेसाठी‎ महाविद्यालयाचे प्राचार्य प्रा. डॉ.‎‎‎‎‎‎‎‎‎‎‎‎‎‎‎‎‎‎‎‎‎‎‎ आर. आर. अत्तरदे यांचे मार्गदर्शन‎ लाभले. महाविद्यालयातील सर्व‎ प्राध्यापक उपस्थित होते.‎

इतिहासात अनेक दाखले‎‎ भारतातील प्राचीन काळातील‎ महिलांची स्थिती, मध्ययुगीन‎ भारतातील रजिया सुलतान,‎ अहिल्यादेवी, जिजाऊ माता, राणी‎ दुर्गावती इत्यादींचे दाखले देऊन‎ मध्ययुगीन काळातील स्त्रियांचे‎ जीवन प्रा.डॉ.वाघ यांनी सांगितले.‎ आधुनिक काळातील पुरुषांच्या‎ खांद्याला खांदा लावून स्त्रियांनी‎ केलेले बदल, पी.टी.उषा, सानिया‎ नेहवाल, माजी राष्ट्रपती प्रतिभाताई‎ पाटील, उत्तर प्रदेशच्या मुख्यमंत्री‎ मायावती, जयललिता, स्व. लता‎ मंगेशकर यांचाही त्यांनी दाखला‎ दिला. महिलांना चूल आणि मूल‎ एवढेच बंदिस्त करण्याचे काम‎ पुरुषप्रधान संस्कृतीमध्ये पुरुषांनी‎ केल्याची खंत प्रा. डॉ. नंदिनी वाघ‎ यांनी व्यक्त केली.‎