सन्मान:बदलाचे नेतृत्व करणाऱ्या जगातील महिला‎ शक्ती हेच खरे सबलीकरण : डाॅ. राठाेड‎‎

महिलांनी सर्वच क्षेत्रात भरारी‎ घेतली अाहे. दैनंदिन जीवनात‎ महिला कोणत्याही पदावर असली‎ तरी तिला आजी, आई, बहिण अशा‎ अनेक भूमिका साकारव्या लागतात.‎ बदलाचे नेतृत्व करणाऱ्या जगातील‎ महिलांची शक्ती हेच खरे महिला‎ सबलीकरण अाहे, असे प्रतिपादन‎ डॉ. नूतन राठोड यांनी केले. या वेळी‎ त्यांनी महिला सबलीकरणाचे टप्पे‎ आणि आज सबळ झालेली महिला,‎ त्यांनी मिळवलेल्या दैदीप्यमान‎ यशाचा आढावा पावर पॉइंट‎ प्रेझेंटेशनद्वारे विद्यार्थ्यांसमोर मांडला.‎ एरंडोल येथील दादासाहेब दिगंबर‎ शंकर पाटील कला, वाणिज्य व‎ विज्ञान महाविद्यालयाच्या राष्ट्रीय‎ सेवा योजना व युवती सभा मंचच्या‎ संयुक्त विद्यमाने महिला दिनानिमित्त‎‎‎‎‎‎‎‎‎‎‎‎ नारी सन्मान व गौरव या कार्यक्रमाचे‎ आयोजन करण्यात आले हाेते.‎ प्राचार्य डॉ. ए. जे. पाटील‎ अध्यक्षस्थानी तर प्रमुख वक्ते म्हणून‎ जळगाव येथील मूळजी जेठा‎ महाविद्यालयाचे डॉ. नूतन राठोड‎ उपस्थित होत्या, त्या वेळी त्या‎ बाेलत हाेत्या.

मंचावर उपप्राचार्य डॉ.‎ अरविंद बडगुजर, प्रा. नरेंद्र तायडे,‎ प्रा. विजय गाढे, डॉ. शर्मिला गाडगे,‎‎‎‎‎‎‎‎‎‎‎‎ डॉ. स्वाती शेलार, डॉ. रेखा‎ साळुंखे, डॉ. सविता पाटील, प्रा.‎ आत्माराम चिमकर, डॉ. नितीन‎ दांडेकर, प्रा. महेंद्र शिरसाठ, प्रा.‎ सुनील सजगणे आदी उपस्थित होते.‎ प्रास्ताविकात डॉ. स्वाती शेलार यांनी‎ केले. कार्यक्रम उद्देश तसेच महिला‎ दिनाचा इतिहास सांगितला. प्रा. नरेंद्र‎ तायडे यांनी प्रमुख वक्त्यांचा परिचय‎ करून दिला. प्राचार्य डॉ. ए. जे.‎‎‎‎‎‎‎‎‎‎‎‎ पाटील यांनी महिलांनी केलेल्या‎ अतुलनीय कामगिरीचा आढावा‎ घेतला. प्रारंभी राष्ट्रीय सेवा योजनेचे‎ विद्यार्थिनी जयश्री पाटील, करुणा‎ पाटील, प्राची मोरे यांनी महिला‎ अबला ते सबला असा प्रवासाचा‎ देखावा व नृत्य अविष्कार व पावर‎ पॉइंट प्रेझेंटेशनद्वारे सादर केला.‎ सूत्रसंचालन प्रा. विजय गाढे तर डॉ.‎ शर्मिला गाडगे यांनी आभार मानले.‎

या कर्तृत्ववान महिलांचा‎ मान्यवरांनी केला गाैरव
‎या कार्यक्रमांतर्गत विखरणच्या‎ सरपंच नम्रता गायकवाड, जवखेडा‎ बुद्रुक येथील सरपंच सुनीता‎ महाजन, उपसरपंच रंजनाताई‎ पाटील यांचा त्यांच्या राजकीय‎ वाटचाल व कार्यानिमित्त सन्मान‎ करण्यात आला.‎