जनजागृती:मतदान प्रक्रिया सुदृढ करण्यासाठी‎ तरुणांनी पुढे यायला हवे : प्रा.डाॅ. वले‎

साहित्यातील इतिहासाची पाने चाळली‎ तर सर्वसामान्यांना मतदानाचा अधिकार‎ मिळवण्यासाठी किती संघर्ष करावा‎ लागला आहे, हे लक्षात येते. डॉ.‎ बाबासाहेब आंबेडकरांनी संविधानाच्या‎ माध्यमातून तो अधिकार आपल्याला‎ सहजच मिळवून दिला. त्यामुळे मतदान‎ प्रक्रिया सुदृढ करण्यासाठी नवतरुणांनी‎ पुढे आले पाहिजे, असे उपप्राचार्य प्रा.डॉ.‎ वासुदेव वले प्रतिपादन केले.‎ पाचोरा येथील उपविभागीय‎ अधिकारी तथा मतदान नोंदणी‎ अधिकारी कार्यालय, शेठ मुरलीधरजी‎ मानसिंगका साहित्य, विज्ञान व वाणिज्य‎ महाविद्यालयातील राज्यशास्त्र विभाग व‎ राष्ट्रीय सेवा योजना यांच्या संयुक्त‎ विद्यमाने राष्ट्रीय मतदार दिनानिमित्त‎ विविध कार्यक्रमांचे आयोजन केले हाेते,‎ या कार्यक्रमाच्या अध्यक्षस्थानावरून ते‎‎‎‎‎‎‎‎‎‎‎‎‎ बाेलत हाेते.

प्रमुख वक्ते तहसीलदार‎ कैलास चावडे यांनी लोकशाही सक्षम‎ करण्यासाठी नवीन मतदाराने मतदान‎ प्रक्रियेत सहभागी व्हावे, असे आवाहन‎ केले. त्यांनी पुढे विद्यार्थ्यांना मतदान‎ प्रक्रिया कशी होते, या संदर्भात मार्गदर्शन‎ केले. या वेळी विचार मंचावर प्राचार्य‎ प्रा.डॉ. शिरीष पाटील, उपप्राचार्य प्रा.डॉ.‎ जे. व्ही. पाटील, नायब तहसीलदार‎‎‎‎‎‎‎‎‎‎‎‎‎ रणजीत पाटील, प्रतिभा लोहार, जयंत‎ जाधव, उपप्राचार्य प्रा. जी. बी. पाटील,‎ प्रा. एस. टी. सूर्यवंशी, प्रा.डॉ. जे. डी.‎ गोपाळ, प्रा. एस. आर. ठाकरे, प्रा. पी.‎ आर. सोनवणे, भिकन गायकवाड,‎ हिरालाल महाजन, सुधाकर सोनवणे‎ उपस्थित होते. सूत्रसंचालन प्रा. स्वप्नील‎ भोसले, प्रास्ताविक डॉ. के. एस. इंगळे व‎ प्रा. नितीन पाटील यांनी आभार मानले.‎

स्पर्धेत या विद्यार्थ्यांनी‎ मिळवले यश ...‎ राष्ट्रीय मतदार दिनानिमित्त सुदृढ‎ लोकशाहीत मतदारांची भूमिका या‎ विषयावर निबंध स्पर्धा व मतदार‎ जनजागृती या विषयावर रांगोळी‎ स्पर्धा घेण्यात आली. निबंध स्पर्धेत‎ १८ तर रांगोळी स्पर्धेत ९ विद्यार्थ्यांनी‎ सहभाग घेतला. निबंध स्पर्धेत प्रथम‎ क्रमांक छकुली अनिल मिस्तरी,‎ द्वितीय यातिका उमेश पाटील तर‎ दीपिका अरुण पाटील हिने तृतीय‎ क्रमांक पटकावला. रांगोळी स्पर्धेत‎ पौर्णिमा लक्ष्मण पाटील प्रथम,‎ नंदिनी धनवीर गुरखा द्वितीय तर‎ यातिका उमेश पाटील हिने तृतीय‎ क्रमांक पटकावला. उत्तेजनार्थ‎ बक्षीस सोनी सोनवणे हिने मिळवले.‎ कार्यक्रमाला १३० विद्यार्थी हजर‎ होते.