धुळे बसस्थानकाची‎ पाहणी:एसटीच्या ताफ्यामध्ये मार्चपर्यंत 100 नवीन बस‎

एसटी महामंडळाच्या धुळे‎ विभागात मार्च महिन्यापर्यंत १००‎ नवीन बस दाखल होतील, अशी‎ माहिती एसटी महामंडळाच्या‎ वाहतूक शाखेचे महाव्यवस्थापक‎ शिवाजी जगताप यांनी दिली. त्यांनी‎ शुक्रवारी धुळे बसस्थानकाची‎ पाहणी केली. त्या वेळी ते बोलत‎ होते. बसस्थानकाच्या स्वच्छतेकडे‎ लक्ष द्यावे, अशी सूचना त्यांनी‎ अधिकाऱ्यांना केली.‎ महाव्यवस्थापक शिवाजी‎ जगताप यांनी धुळे मध्यवर्ती‎ बसस्थानकाची पाहणी केली.‎ बसस्थानकातील अस्वच्छता पाहुन‎ त्यांनी अधिकाऱ्यांना धारेवर धरले.‎ अधिकारी व कर्मचाऱ्यांनी‎ प्रवाशांच्या सुरक्षेसाठी बस व‎ स्थानकाच्या स्वच्छतेवर अधिक‎ लक्ष केंद्रीत करावे. दिवाळीत धुळे‎ विभागाने राज्यात सर्वाधिक उत्पन्न‎ मिळवले होते. धुळे विभागाला‎ मार्च महिन्यापर्यंत नवीन शंभर बस‎ देण्यात येतील.

तसेच ३१ मार्चपर्यंत‎ धुळे बसस्थानकाचे स्वरूप बदलले‎ जाईल. एसटी महामंडळातर्फे‎ राज्यभरात सुरक्षा सप्ताह‎ राबवण्यात येणार असून याविषयी‎ कर्मचाऱ्यांमध्ये जनजागृती केली‎ जाणार असल्याची माहिती‎ शिवाजी जगताप यांनी दिली. या‎ वेळी शिवाजी जगताप यांनी एसटी‎ महामंडळाच्या धुळे विभागातर्फे‎ प्रवाशांना देण्यात येणाऱ्या‎ सुविधांचा आढावा घेतला.‎ त्याचबरोबर प्रवाशांची गैरसोय‎ होणार नाही याची काळजी घ्यावी,‎ अशी सूचना केली.‎