नागरिकांची ‎ ‎गैरसाेय:सार्वजनिक स्वच्छतागृह दुरूस्तीला‎ 2 कोटी लागणार; 12 धोकेदायक‎

शहरात महापालिकेतर्फे विविध‎ भागात सार्वजनिक शौचालय‎ बांधण्यात आली आहे. त्यातील ‎ ‎ बहुतांश शौचालयांची दुरावस्था‎ झाली आहे. त्यामुळे नागरिकांची ‎ ‎गैरसाेय होते. शौचालयांच्या ‎ ‎ दुरुस्तीसाठी साधारणपणे २ कोटींची ‎ ‎आवश्यकता आहे. दुसरीकडे ‎ ‎ महापालिका प्रशासन शहरातील ‎ ‎ नागरिकांना वैयक्तीक शौचालयांचा ‎ ‎वापर जास्तीत जास्त करावा, असे ‎ ‎ आवाहन करते आहे.

कारण दरवर्षी ‎ ‎ सार्वजनिक शौचालयांच्या‎ दुरुस्तीचा मोठा खर्च करावा‎ लागतो.‎ शहरातील काही सार्वजनिक‎ शौचालयांची परिस्थिती खराब‎ झाली आहे. अनेक शौचालयांचे‎ दरवाजे तुटले असून ड्रेनेज‎ व्यवस्था, पाण्याची टाकी फुटली‎ आहे. काही ठिकाणी पाण्याची‎ व्यवस्था नाही. काही ठिकाणी‎ पथदिवे नाही.

शौचालयांची वेळेवर‎ स्वच्छता होत नाही.ज्या भागात‎ शौचालय आहे त्या भागातील‎ नागरिकांना दुर्गंधीचा सामना करावा‎ लागतो. याविषयी नागरिकांच्या‎ महापालिका प्रशासनाकडे तक्रारी‎ वाढल्या आहे. नगरसेवकही या‎ विषयाकडे लक्ष वेधतात. महासभा,‎ स्थायी समितीच्या सभेतही हा मुद्दा‎ उपस्थित करण्यात आला होता.

‎ त्यानंतर प्रशासनाने शहरातील सर्व‎ भागातील सार्वजनिक शौचालयांचे‎ सर्वेक्षण करण्याचे ठरवले.‎ दुसरीकडे नागरिकांना वैयक्तीक‎ शौचालय बांधून त्यांचा वापर‎ करण्यासाठी प्रवृत्त केले जाते आहे.‎ कारण सार्वजनिक शौचालय ही‎ संकल्पना शासन कालांतराने बंद‎ करणार आहे. मात्र, ज्या ठिकाणी‎ दाट वस्ती आहे. वैयक्तीक‎ शौचालय बांधण्यासाठी पुरेशी जागा‎ नाही, ज्या भागातील शौचालयांची‎ दुरुस्ती करण्याची आवश्यकता‎ आहे त्यांची दुरुस्ती करण्यासाठी‎ महापालिकेला धोरण ठरवावे‎ लागणार आहे. स्वच्छतागृह‎ दुरूस्तीसाठी मनपा काय निर्णय‎ घेते याकडे लक्ष आहे.‎

शहरात १४४ सार्वजनिक शौचालय : शहरातील विविध भागात १४४ सार्वजनिक शौचालय आहे.‎ त्यातील काही शौचालयांची दुरवस्थाझाली आहे. तसेच १२ शौचालय धोकादायक स्थितीत आहे. बांधकाम‎ विभागाने याविषयी सर्वेक्षण केले असल्याची माहिती देण्यात आली.‎

दुरूस्तीसाठी प्रस्ताव प्राप्त‎
शहरातील सार्वजनिक शौचालयांच्या दुरुस्तीसाठी‎ बांधकाम विभागाकडे प्रस्ताव प्राप्त झाला आहे.‎ त्याअनुशंगाने शौचालयांचे सर्वेक्षण करण्यात आले.‎ सर्वेक्षणात बहुतांश शौचालयांची सेप्टीकटँक फुटली‎ असून स्लॅब खराब झाला आहे. तसेच दरवाजे,‎ खिडक्यातुटले असल्याचे आढळून आले आहे. शौचालय‎ दुरुस्तीसाठी २ कोटी रुपये खर्च अपेक्षीत आहे. उपलब्ध‎ निधीप्रमाणे दुरुस्ती करण्यात येईल असे बांधकाम‎ विभागातर्फे सांगण्यात आले.‎

...तर वर्षाला दीड कोटी रूपये वाचतील‎‎
शहरात सार्वजनिक शौचालयांचा वापर कमी करुन‎ नागरिकांनी वैयक्तीक शौचालयांचा वापर करणे गरजेचे‎ आहे. शासनाचे ही धोरण वैयक्तीक शौचालयांना प्राधान्य‎ देण्याचे आहे. त्यामुळे सार्वजनिक शौचालयाच्या‎ देखभाल दुरुस्तीवर वर्षाला दीड ते दोन कोटी रुपयांचा‎ खर्च वाचेल. ज्या ठिकाणी सेफ्टी टँक बाधावयास जागा‎ नाही. तेथे काही घरांनी मिळून ड्रेनेज लाईन टाकून ही‎ लाइन मुख्य ड्रेनेज लाईनला जोडावी.-‎ विजय सनेर, उपायुक्त, मनपा‎