परीक्षा:पोलिस भरतीपूर्व प्रशिक्षण शिबिरात‎ 200 युवक; युवतींनी घेतला सहभाग‎

शिवसेनाप्रमुख बाळासाहेब ठाकरे‎ यांच्या जयंतीनिमित्त युवासेनेतर्फे‎ पोलिस भरती पूर्व मैदानी व लेखी‎ सराव परीक्षा घेण्यात आली. परीक्षेत‎ २०० जणांनी सहभाग नांेदवला.‎ परीक्षेत उत्तीर्ण होणाऱ्यांना‎ मान्यवरांच्या हस्ते बक्षीस देण्यात‎ आली.‎ या उपक्रमांतर्गत १६०० मीटर‎ धावणे, गोळाफेक, १०० मीटर‎ धावणे आदी चाचण्या घेण्यात‎ आल्या. ८६ युवक-युवतींनी मैदानी‎ चाचणीत यश मिळवले.

त्यानंतर‎ श्रीमती पी. बी. बागल‎ महाविद्यालयात लेखी परीक्षा झाली.‎ परीक्षेला ८० विद्यार्थी हजर होते.‎ पुरुष गटात लेखी व मैदानी‎ चाचणीत १५० पैकी १२३ गुण‎ मिळवत भूषण कांतिलाल गुरव हा‎ पहिला आला. त्याला रोख ८ हजार‎ १११ रुपये व सन्मान चिन्ह देण्यात‎ आले. द्वितीय क्रमांक पंकज बबन‎ पाटीलने मिळवला.

त्याला ५ हजार‎ १११ रुपये व सन्मानचिन्ह देण्यात‎ आले. तृतीय क्रमांक हिमांशू भास्कर‎ पाटीलने मिळवला. महिला गटातून‎ मनीषा शिवा महानोरने ९४ गुणांसह‎ प्रथम क्रमांक मिळवला. तिला ३‎ हजार १११ रुपये व सन्मानचिन्ह‎ देण्यात आले. योगिता श्रीराम‎ सावळेने द्वितीय, अश्विनी प्रकाश‎ भावसारने तृतीय क्रमांक मिळवला.‎ शिवसेनेचे जिल्हाप्रमुख हेमंत‎ साळुंखे, युवासेनेचे सहसचिव‎ यशवर्धन कदमबांडे, युवासेनेचे‎ जिल्हाप्रमुख आकाश कोळी‎ यांच्यातर्फे बक्षीस देण्यात आली. या‎ वेळी हेमंत साळुंके, उपजिल्हाप्रमुख‎ शानाभाऊ सोनवणे, प्राचार्य डॉ.‎ वाल्हे, के. एस. पाटील, भटू पाटील,‎ कमलेश काळे यांनी स्पर्धकांना‎ मार्गदर्शन केले. शिवसेनेचे‎ उपजिल्हासंघटक भाईदास पाटील,‎ उपतालुका प्रमुख शैलेश सोनार,‎ उपतालुका युवाधिकारी सुमीत‎ देशमुख, प्रदीप पवार, दीपक मराठे,‎ नरेंद्र धात्रक, गणेश विसावे, नीलेश‎ मराठे, भटू कोळी, आकाश शिंदे,‎ सौरभ पाटील, जयदीप आघाव‎ आदी उपस्थित होते. कार्यक्रमाच्या‎ यशस्वितेसाठी जयेश भोई, भूषण‎ चौधरी, मनोज कुंभार, संदीप‎ निकम, आकाश नगराळे, मयूर‎ निकम, प्रा. प्रवीण पाटील, नीलेश‎ पाटील, मयूर पाटील, रवींद्र सदाराव‎ यांनी प्रयत्न केले. भरतीसाठी‎ इच्छुक असलेल्यांचा सराव व्हावा‎ यासाठी हा उपक्रम झाला.‎